مرحبا بنات..
انا حامل مبروك لي ولكل حامل والله يرزق الجميع انشالله ويبارك لنا بحملنا..
كنت اراجع عن دكتوره نفيسه فالزهرا.. طبعا مصريه والخياطه عندهم شي مقدس.. وماشي بنت دخلت عندها او مرت عليها الدكتوره هاي الا وسوت لها خياطه.. والكل يمدحها..
بس ريلي من دبي وما يباني اربي فالشارجه.. فاظريت اغير راسير عند الدكتوره بابيتا بمستشفي ان ام سي ورا صحاري يمدحونه لانه يديد واوسع ووو.. والدكتوره بعد يمدحونها ومجربينها البنات.. بس ما تسوي خياط ابد.. كله طبيعي…
المهم.. بالنسبه لي نفسيا مابى خياطه.. بس الكل يقول لي الخياطه احسن وترجع المكان طبيعي مثل ما كان.. وما بحتاي ملح ودوا ووو…
للعلم: د. نفيسه تستعيل بالخياطه.. ودكتوره بابيتا تأجلها لاقصي فتره ممكنه.. يعني اكيد شي حلات غيرر.. بس انا اتكلم عن الاغلب ..
شو الراي؟؟
المجربات والي عندهم خبر او اي معلومه؟؟
اللي اعرفه انه على حسب كل ولاده يعني ساعات لازم الوحده تحتاج خياطه خاصه اذا ما رامت تدفع روحها والدكتوره ساعدتها مثل حالاتي .. والله يسهل عليج ولادتج يا رب
اذا سوت لج شق لازم تخيط مكانه ……
والله يعين لاتفتح الخياطه مره ثانيه ,,,,
و الله احسن تسوين خياطه لانه المكان يرجع مثل قبل انا في ولادتي سوولي مع ان ما شقولي
نصيحه منى انج تسوييييين
صح احسن لج اتسوين خياطه عشان وايد حريم انا اعرفهم ماسولهم خياطه بعد الولاده متندمين على هالشي لانه مب عايب ريايلهم فانا لو مكانج بسوي اتويع كم يوم ولا اندم بعدين .وانتي فكري