السلام عليكم ورحمة الله وبركاته ..
جيف حالكم يا بنات ؟؟
بنات بغيت اخذ رايكم.. واسمع شوركم ..
حبايبي انا مالجة الحينه من فتره همم تقريبا شهرين .. بس انا لحد الحين حاسة اني مب قادره اتقبل ريلي
حاولت وحااولت وايد بعد .. في وايد اشيا فيه اتخليني ما اتقبله ولو انها بسيطه جدا .. للعلم اني صليت استخاره قبل ما اوافق والامور اتيسرت وهو نفس الشي صلى استخاره ..
يا بنات خصه اليوم يوم قالي انه حدد موعد العرس مسكتني ضييييييييييييييجه .. ماعرف شو اسوي؟
انصحوني .. ساعدوني .. عطوني رايكم لاهنتوا 
.
لا حول ولا قوة إلا بالله
اختي لغالية ,, ريلج بعده يديد عليج ,, ودام الريال ماظهر منه شي مب زين اتوكلي على الله رب العالمين ,, وردي استخيري مرة ومرتين وثلاث 
وباذن الله اذا هذا الريال فيه خير بتتيسر أموركم
امييييييييييييييييين الله يسمع منج فديتج والله ..
اتمنى انا انه يكون خير لي .. ولين الحين وانا اصلي والله ..
والله ييسر امورنا يارب …
.
الله يفرج همج ويسخر لج ريلج
من توكل على الله فهو حسبه
لاتفكرين فالانفصال
وموفقه
أختي كلنا مرينا بهالمرحله وصدقيني بتحبينه بعد العرس أنا عن نفسي مريت بهالتجربه كنت ما أحبه وكنت اكلمه وأنا اتمسخر ومب مهتمه بس تعالي شوفيني الحين !!!!,,… .
هذي بس مرحله وبتعدي ان شالله .. الحب ايي بالمعاشره مب من اول شي ..
والله يجمع مبينكم..
مادري شو أقولجْ .. بس اختيه اذا مافيه عيــبْ ينشكى منه
توكلي على الله و بعدج الا استخيري و استخيري .. و ربي يسهل أمرجْ
و يفرجْ كربتـجْ .. و يتمملج اللي فيه الخير و البركه ان شاء الله
موفجه الغاليه =)
الغالية اذا الريال زين يصلي وعارف ربه واخلاق اقولج توكلي على الله وان شاء الله تتوفقين
ويسعدج 00وهذا الاحساس عادي كل بنت تبا تعرس لانه خوف من المستقبل والحياة اليديدة
والمسؤليه –الله يوفقج الغلا ويسعدج ويسر امورج00السموحة