هل أنا ما عندي هدف فالحياه :(

مرحباً خواتي البارحة كنت ارمس ربيعتي وهيه مش متزوجه وتشتغل وانا والحمدالله متزوجه وعندي ولدين بس قالت لي كلام صدق تضايقت منه وقعدت افكر فحياتي هل كلامها صحيح أنا الحمدالله ما عندي خدامه يعني أنا مهتمه في شؤون بيتي وعيالي فقالت لي بسالج انتي ما عندج شغله غير انج تخدمين ريلج تراكضين ورأ عيالج ليش ما تشوفين حياتك وتطلعين وتشتغلين احس انج ما عندج هدف فالحياه غير مجابل الريل وتلبية اوامره والركيض ورأ العيال ومجابلهم احس انج منقطعه عن العالم اطلعي روحي شوفي الحياه صدق انج فاشله وصدق هالكلمه حزت في خاطريه حتى نشيت الصبح مالي خاطر حق ولدي البسه واريقه حق المدرسه وانا قبل أنا مع عيالي ونلعب ونضحك قبل الريوق وكله ضحك ولعب معاهم لين ما يروح ولدي الروضه وعقب أتم مع ولدي الصغير بس اليوم كله معصبه ومالي خاطر الهم ما اعرف هل اهتمامي في بيتي وعيالي يعني ما عندي هدف فالحياه وان حياتي مالها معنى واني فاشله فحياتي صدق محتاره ومعقولة كلامها اثر فيني وخلاني اليوم ابوز على ولدي وحتى هو مستغرب متي ليش شيه أعامله. شو وايمن يا خواتي في كلام ربيعتي ومع منو الحق ؟؟؟؟؟؟

الحرمة جي من استوت مكانها البيت وكل راع مسوول عن رعيته دامنج مب مقصره في بيتج وعيالج وزوجج وربج ماعليج من الدنياااااااا ومفاتنها وشهواتها وطاعت الزوج من طاعة الله … بالعكس كلامها مووول مب منطقي اذا انتي جي مرتاحه ماعليج من حد.. انا اعرف ناس ما يعرفون عيالها في اي صف يسافرون ويا اربيعاتهم وفارين الريل والعيال فالبيت اسمع عن حريم يتالون في المراكز والمولات همهم الكشخه الماركات ولااااااااااا جنه في حساب وعقاااب في دنيا واخره .. لا تهتمين بكالمها ولا تخلين هالشي ياثر عليج حبيبتي // الله يوفقج يارب ويحفظلج عيالج وبيتج وزوجج

السلام حبيبتي انتي انجح من انك تحسي نفسك فاشله و المره الفاشله هي لي تنسا بيتها تروح تدور نفسها بس
انتي نعم الزوجه ونعمه الام و مانك فاشله ابدا ابدا مراعات البيت و العيال و الزوج مسؤليه كبيره و الله يعينك و تمم لكي علا خير

السلام عليكم ..

خـــافي الله فعيالج ولا تأثر عليج جلام إربيعتج وأكثري من الإستغفار وهالله هالله بقيام الليل فضائلهــا عظيمهـ ..

بالعكس انتي عندج اسمى هدف في الحياه انج تربين عيالج تربية صالحه و تطلعينهم شباب يبرونج و يخدمون وطنهم
و خدمتج لريلج تاخذين فيها اجر و توصلج للجنه اللي هي المفروض هدف كل مسلم
بيتج مملكتج انتي المديره فيه و بالعكس الامومه تعتبر اسمى و اقدس وظيفة و انتي تستمتعين فيها و اجرج على تعبج و سهرج عند رب العالمين
اللي قالتلج هالكلام هي المسكينه اللي ما عندها هدف الحين هي تكرف و تشتغل و تتحمل اهانات المدير و كيد الموظفين و تتعرض لامور مضايقات و معاكسات في مكان شغلها و اذا هي من النوع مال الميكب و القصه يعني تاخذ ذنوب من شغلها و كل ها عسب معاش اخر الشهر يعني ما شي اجر( الا اذا كانت نيتها لله في شغلها)
انا اقولج النوعيه من الناس اللي يفكرون انه الحرمه اللي تراعي ريلها و عيالها ما عندها هدف
هذيلا في قمة الجهل و اولوياتهم معكوسه

ان شاء الله يكون كلامي مفهوم و وصلج الفكره
و في النهايه هذا رايي انا و كل واحد حر برايه
بالتوفيق