هدية لــــ / أبوووووووي الغالي وامااااايا الغالية " حياكن "

أخواتي العزيزات…

ما أدري وين أحط الموضوع وكيف أبدا به !!!
بس على طول بحط الموضوع من دون مقدمات…!

ودي أهدي للوالد والوالدة الله يحفظهم ويطول في اعمارهم هدية مميزة وحلوة تظل الهدية في بالهم مهما صار واتم ذكرى لا تنسى …

بس فكرت في الهدية شو بالضبط ما توصلت لشي مميز للأسف!!

وفي خاطري شي مميز مثل ما قلتلكن.

قبل فترة عطيناهم هدية وهي عبارة عن شمعة كبيييييرة ونازل من الشمعة مثل أوراق حلوة ومكتوب في كل اورقه اسم من اسامينا >>>>> انا وخواتي
ومع الشمعة حطينا رسالة رتبناها ولفيناها وعطيناهم ووااااااااااااايد استانسوا على الهدية الله يحفظهم وتموا يحليلهم لين الحين محتفظين بالرسالة والهدية..

المهم..
ودي أخواتي الله يجزاكن خير في الدنيا والآخرة ويكتب لكم الفردوس الأعلى من الجنة اللهم آمين
ودي تساعدوني بأفكاركن واقتراحاتكن واذواقكن وآرائكن حول الهدية هاي المرة ، والهدية ترى ما لها ذكرى معينة ولا سبب معين لا بس جي نعطيهم وهاي المرة حبيت أعطيهم في أول يوم عيد الفطر المبارك …

أريد الهدية تكون مكونة من شيين:
1- الرسالة : واريدكن الله يوفقكن اخواتي ويحفظكن تساعدوني بكلام حلو واااايد في الرسالة..
2- هدية مميزة وحلوة: بس اخواتي ما تزيد عن 500 درهم .. هم يستاهلون أكثر والله بس هاذي هي ميزانيتي والله ييسر كل معسر

والله يجزاكن خير حبيبات…
في انتظار آرائكن ومقترحاتكن

في أماااان الله

الهدية حبذا لو تكون طقم ساعه لامج و أبوج ..

أو تفصلين كندورة لامج و أبوج مثلا ,,,

أو تشترين صندوق مال الهدايا و تحطي في اشياء يحبها ابوج و امج ..

أو برواز فيها صورتهم و فيها حركات على البرواز و مع شيء ..

الكلام بحاول اكتب الي يطلع لي .. .

هديتي المتواضعة من محبتكم تهديها لشخصين غاليين أهداهم الله لها و في الحقيقة هي في حد ذاتها نعمة كبيرة … و هذه النعمة أنا لازم أحافظ عليها ,, و بهديتي هذه بقدر أحافظ على هذه النعمة بادخال السرور و البسمة على أحلى بدرين ( أمي و أبوي ) الله يحفظهم يا رب ..

أبوي أنت …… كملي

أمي أنتي ….. كملي

و في النهاية اكتبي دعاء

يزاج الله خير ع المرور اختي

اللهم آميييييييييييييين
يزاج الله خير فديتج على المرور والاقتراح
بس ابوي المشكلة اذا عجبته ساعه وارتاح لها وحباها ابد ما يفصخ الساعة ويلبس وحدة ثانية لين ما تخترب الساعة ويحاول بعد يصلحها اذا ما في امل اشترى وحده يديدة. >>>>>>> تعرفون الشياب فديتهم والله.
مشكورة اختي..

مشكورة غناتي على المرور والإقتراح ويزاج الله خير
وكيف احصل على الأكياس شكلها وااااااااااااااايد حلو وعيبتني واااايد
ممكن ع الخاص.

——————————————————————————–

يزاااج الله خير اختي وايد حلو الكلام وبعد الفكرة بس هم ماشاااااااااا الله عندهم ترس دهن عود واحس اذا عطيتهم دهن عود بيكون الأمر عااااادي لأنه عندهم منه وااااايد

في انتظاركن خواتي الغاليااات