السلام عليكم ورحمة الله وبركاته
خواتي حبيت اسألكم عن المدارس الحكوميه اذا انتقل
طالب من مدرسه اجنبيه من خارج الدوله الى مدرسه حكوميه فى الامارات
ايسون له امتحان تحديد مستوى ولا لا والمناهج صعبه ولا سهله خصوصا اذا
ما درس المناهج من قبل باللغه العربيه بيقدر يتابع الدراسه ولا بتكون صعبه عليه
شو تقترحون على خواتي انتظر ارائكم
اختىوالله اعلم يسوله امتحان تحديد مستوى يعنى لو كان فى الصف الرابع ايسوله تحديد مستوى للصف الثالث ويكون فى المهارات الاساسيه للمواد وهالشئ بيكون فى المدرسه الى بترسلج لها الوزاره ولى بتكون اقرب وحده لسكنكم الجديد فى الدوله وهالشئ الي اقدر افيدج فيه
مشكوره اختي الله يجزيج خير على ردج واذا كان الطالب فى الاول الاعدادي
بعد بيسوله تحديد مستوى
اعتقد اختي يسون امتحان تحديد مستوى لازم .. له بس لو في امكانيه اتحطينه في مدرسه خاصه بيكون احسن له وبيتابع دراسته براحه التغيير للمنهج العربي متعب وصعب والمصطلحات كلها بتتغير عليه حراام وفيه وايد مناهج تدرس عندنا بالدوله نفس الي برا انتو في اي دوله وشو المنهج الي يدرسه ولدج؟؟
والسموحه منج
مشكوره اختي علياء 3 هو يدرس فى مدرسه بريطانيه و كلامج صح
صديقتي متخوفه ان ولدها يدرس فى مدارس حكوميه والسبب اللغه مثل العلوم والجغرافيا
بس زوجها الله يهديه يقول خليه يجرب المدرسه الحكوميه يمكن يقدر يكمل بالغه العربيه
ان شاء الله يقتنع ويخلي الولد يكمل فى مدرسه انجليزيه
ان شاء الله بيقتنع اهم شي انه ما يجبرالولد بينزل مستواه الدراسي ونفسيته بتتعب ؟
الله يهديه
الله يعينهم كله ولا الدراسه والله يوفق عيالنا وعيال المسلمين
ان شاء الله