نفسيتي داااااااااااون والسبب ؟؟؟؟؟

انا بدش ف الموضوع عطول احس ان نفسيتي تعبانة ع الاخر بسبب الزواج انا مقتنعة وعارفة ان كل شي قسمة ونصيب بس انا وايد اعاني بصراحة من هالموضوع يعني كل ربيعاتي تزوجن فموسم واحد ودفعة وحدة وتميت بروحي
وانتي متى ؟ وانتي متى ؟
تعبت اسمع هالموال حتى اتم طول الليل كله اصيح واحس حياتي فاضية لها جزء كبير من الفراغ محد تم حولي الكل راح وكل الانشطة والفعاليات والمهرجانات اللي تخطر عبالكم سويتها ف البيت انا مليت منها والكل مل
كل احلامي زواج او حفلة عرس كبيرة او امشي وحد ماسك ايدي او فإيدي ياهل
ما عرف ارقد اذا ما كلمت عمري كاني مينونة ساعة بعدين ارقد رسمت عالمي الخاص بس محد يشاركني فيه اخاف اصاب بحالة نفسية لاني اتمنى من قلبي اتزوج ويكون لي كياني الخاص واتصرف ع راحتي بغض النظر عن الحياة الزوجية ومتطلباتها الحمدلله مؤهلة من بيتنا الكريم خير تأهيل