مين أطفالها في مدرسة الشارقة الأمريكية الدولية دبي تدخل ضروري

خواتي حبيبت أتعرف مين أطفالها مع بنتي في K.G.1

وعندي مشكلة واجهتها مع بنتي في المدرسة بما أنها أول سنة دراسية لها في أول اسبوع وايد انبسطت لان الدوام خفيف ونطلع 11:30 أو 12:15 اما في الاسبوع الثاني قيدونا بالدوام
فطال الدوام من 7:45 إلى 1:20

وانا رحت للمديرة أخبرها عن طول الدوام يسبب الملل والأرهاق ونلاحظه على وجوه الأطفال وفي منهم ناموا في الفصل والمدرسات نفسهم يشتكون لكن محد يسمع ألهم ..
وان علينا تدريب الطالب وبخطوة خطوة نرفع الساعات الدراسية مب من أول سنة انطلعه متأخر

المهم ردت المديرة أنها سياسة في المدرسة منذ فتتاحها قلت لها يمكن تتغير اذا كانت لمصلحه الطفل مثل هذا السنة غيروا قسم الروضه جذريا من الصبغ والرسوم والحركات الحلوة الي جذبت الطالب منذ دخوله فليش ما ندرس ساعات الدوام وكذلك
نسأل المدرسات هم متخصصات في ذلك ويعرفون مدى أستيعاب الطالب وقدرته قالت بنفكر ويمكن السنة القادمة

انا رديت عليها وقلت لها ان المدرسة في 3 ترمات جربوا في النصف الثاني أفضل ألنا ولكم
فقالت يستوي خير برفعها للأدارة العليا

المهم خواتي الي تعاني وياي من نفس المشكلة تتكلم وياها او على الاقل تكتب شكوى وتحطها في البوكس الي جنب غرفة المديرة ..
عسب نرفع عدد الأصوات وتأخذ الملاحظة بعين الأعتبار ..

لان صدق بنتي تمللت ودايما تصيح راسها يعورها تبغي ترقد ودايما تسأل عن الأجازة … لان اول سنة الها وأوعيها من الوقت … فضايقت وايد .. الله يعينها ..

رأيكم يهمني أنتظركم ……….