موضوع ل فئه من الأخوات

المهم
فالفتره الاخيرة وايد عضوات يدخلون ينزلون موضوع سالفة ربيعتي،ربيعتي تبا مساعده ،شو تنصحون ربيعتي وغيره من العناوين
اختي يا حبيبتي اللي تكتبين هالمواضيع ابغي أسالج سؤال واحد ربيعتج هاي يوم يت تشتكيلج اكيد قالت لج سالفتها وآخر شي قالت ماعرف شو أسوي او انصحيني ،البنت ما قالت لج ي فلانه قومي سيري المنتديات وقولي سالفتي للناس ل هالدرجه وصلت ان هموم الناس استوت مثل نشر غسيل.ماعليه صح تبين تساعدينها لكن إنتي جذي بتييبين لها هم اكبر لان الخوات اللي يقرون الموضوع ردهن مَش واحد.
اللي تقول سالفتها الصدقيه على أساس انها ل ربيعتها حبيبتي عادي قولي انها سالفتج فالمنتدى كلنا خواتج فالله ان مانفعناج مابنضرج بإذن الله ومحد فينا تعرف الثانيه لا اسمها ولا من قوم منو ف عادي خذي راحتج

السموحه على الاطاله وياريت محد يتحسس من كلامي

حتى لو سالفتها

لان مثلا لو حد يعرفها بيكون ف شك ان هالسالفه سالفتها والا سالفه ربيعتها بالفعل

ولا انها وحليلها تكتب عن سالفتها وحد يعرفها ويكون ع يقين انها هي

يعني باختصار اخليج تشكين ولا اني اعطيج اليقين منو ورا هالسالفه .. هل انا او ربيعتي

اما بدون علم ربيعتها تنزل موضوع عنها هذا طبعا غلط