السلام عليكم بنات
عيدكم مبارك
وكل سنه وأنتو بخير يارب
ماعرف أذا عرفتوني تذكرون موضوعي الاولي يوم خبرتكم ريلي تزوج علي من فلوسي وما كان يصرف علي
هذا رابط موضوعي
http://forum.uaewomen.net/showthread.php?t=718189
المهم زوجته الثانيه أحسها مثل شخصيته وتناسبه واايد سبحان الله تميت في بيتهم فتره وهو ماخذها علي ويدلعها ويطلعها ومايرضى عليها الهوا وأنا تامه جني فيني مرض ومممنوع الاقتراب المهم أنا طلعت من البيت ورجعت بيت أهلي وهتميت في نفسي والدوام بس كان فيني حزن وهم أنه حتى ماتصل يقولي انتي وين ولا كيف طلعتي بدون شوري ولا حد من أهله عبرني والله كانت أصعب أحساس أحسه في حياتي أدري أنه عمره ما حبني وحبه كله لها بس بعد ووين العشره الحمدالله أنه الله مارزقني بيهال منه المهم كملت في بيت أهلي 4شهور بس يطرش لي مسج طرشيلي 3000 محتاي ولا طرشيلي ضروري رصيد 100 محتاي ضروري وأنا أكبر طاف بس بين فتره وفتره اوقف عند تلفون الشارع اتصل اسمع صوته واسكر بس وايد يغمضني مادري ليش ما كذب عليكم في هاي الفتره كنت أفكر ارمس وألعب والله من الضيق وأحساسي اني وحيد ومالي حد يحن علي بس أرجع أقول أنا اعانده ولا أعاند رب العالمين وكل ما أضايق أقول حسبي الله ونعم الوكيل المهم أتصلت فيني جارتي السعوديه وهي معانا بالمنتدى تقولي هدى شو مستوي عندكم وانتي وينك من زمان أنا سافرت ورجعت وأسال عنك البشاكير يقولون ماندري المهم خبرتها اني في بيت أهلي قالت اته امس الصبح سمعت ضرابه في بيت اهل ريلي لانه انا وريلي وزوجته الجديد كلنا ساكنين أهناك المهم تقولي عالظهر يت حرمه البيت معاها شرطه وأسعاف لانه الي فهمته والي خبروها الخدم انه زوجي العزيز كان في الدوام واتصلت فيه وحده من صديقات زوجته وقالت له أنها تحبه وتموت فيه وماترضى تشوفه مصخره وخبرته انه زوجته قبل الزواج الله يستر عليها كانت ترمس وتطلع وتكلم وتحب واحد بس حبيبها مارضي ياخذها عشان ماضيها وقالت لزوجي انها لين الحين تكلمه وتطلع معاه والي في بطنها منه وعطته دلائل وزوجها تاكد وضربها لين ياها نزيف والي موتني بالموضوع انه انها سمعت زوجي يصيح ويقولها ليش انا احبج واموت فيج ليش تخونيني وكان يضربها اااه سبحان الله والله مو شمتانه بس ليش الدنيا كذا صارت
المهم يت الاسعاف شلتها لانه يمكن في شهرها الخامس مو متاكده والشرطه زخوه وسجنوه وعمتي طاحت مريضه والله بنات شعوري غريب بين أني أقول الله كبير ومايرضى بالظلم وبين انه قلبي يعورني عليه وابا اكون معاه بس ادري هو مايبا يشوفني حتى وما اقدر اسامحه على الي سواه فيني لين يومكم ما انسى لما كنت معديه صوب حجرته واسمعها تقوله وين ساير لايكون ساير عند الجنيه زوجتك جان يرد يقولها (اعوذ بالله حد يهد القمر ويروح عند الشيطان الرجيم خسي والله أهد هالجمال وسير عندها أنا ماصدقت أحصل وحده قمر تعوضني عن الي شفته معاها )
ووين يوم كان يغار علي ويقولي تنقبي وأنتي في الدوام وماتطلعين بروحج ويقولي أنا أتخبل عليج
في مره بعد ما رديت عليه كنت في الدوام وسايره الحمام وهو أجازه لاننى من نفس القسم جان يني الدوام يراقبني انا شفته بس سويت روحي ماشفته كانت ايام حلوه معاه
الحين ابا منكم خدمه لو تعزني أبا أحطي محامي عشان أخلعه كيف الموضوع وكم يكلف
ودعوةاتكم بالتوفيق
السموحه طولة عليكم
وكاتبه الموضوع مال سرعه سرعه
الله المستعان
للرفع ان شاء الخوات يفيدونج
سبحان الله ..دعوة المظلوم مستجابه ..الله يعوضج باللي فيه الخير يارب
خييييييبتين مو مصدقه بس هذا كله يصير فيج وانتي ساكته ووين أهلج
كيف يخلونه شي يسوي والله لو أنا مكانج أخواني الشباب بيقطعونه
الله يعينج والحين شو مصيره وهي شو أخبارها
ربي يعوضج خير يآختي ^_^"
ربي يوفقج ويسعدج يآرب . .
حبيبتي سوي قضية طلاق الضرر لا تخلعينه ريال واحد لا تعطينه
[IMG]http://www.*******.org/images/musfghp244ykgwblrc3r.gif[/IMG]