السلام عليكم ..
انا ولية امر لطالبة في مرحلة اولى ابتدائي .. ونحن من سكان مدينة العين
ومدرسة بنتي في المقام .. مشكلتي مع باص بنتي مايوقف عند البيت !! سألت سواق الباص وقال هذي قوانين ؟؟
رديت كلمت المدرسة وقالوا لي هذي القرارات من مواصلات الامارات .. وكلمت مواصلات الامارات منسقين الحركة
وقال لي اول شي الباص مايدخل الحاره خوفا على الاطفال اللي مايروحون المدارس الصغار لأنهم يركضون ورى الباص ..!!
,,, وعيال المدارس بستين داهيه مثلا ؟؟ … بنتي الصبح والظهر الباص يحطها بنص الحاره ليش عشان شو ؟
انا من حقي اخاف على بنتي من سياره ولا عيال حرام لاسمح الله .. وانا ماابي اكون مهمله فعيالي واخليهم ضحية لقرارات مثل هذي ..
رد على وقال هني يجي دور الاهل ؟؟!! سبحان الله قبل شوي كنتوا تحافظون على سلامة الاطفال اللي بعدهم مايداومون
وسلامتهم من مسؤوليتكم والحين مع الاطفال اللي يركبون مواصلاتكم مالكم دخل فيهم .. !! شي عجيب والله
المهم اخواني واخواتي انا من ثاني يوم بدت فيه المدارس وانا كل يوم اكلم مسؤول في مواصلات الامارات
ويقولون بعد عشان الوقت .. الباص ياخذ الاولاد ويرد ياخذ البنات وماعنده الوقت الكافي انه يوقف عند بيت كل طالبه..
يعني كيف ماعنده وقت يوقف عند بيت الطالبه ؟؟؟؟ من ابسط حقوقي كأم انه الباص يوقف قدام باب بيتي .. انا ماطلبت المستحيل
الباص اا ماشاف بنتي واقفه برى تتريا يروح يمشي يخليها انا راضيه لكن اذا بنتي واقفه على باب البيت يوقف لها على باب بيتها
مافي وقت ؟؟ اي وقت ؟؟ مافي باصات .. وفروا باصات نحن فالامارات اضن والحمد لله خيرها زايد يارب
موقادرين توفرون باصات عشان هالوقت الثلاث ثواني اللي بتطلع فيها الطالبه للباص
المهم بعد ماصار هالحوار بيني وبين واحد من مسؤولين مواصلات الامارات ولدي صف 3 ابتدائي يقولي سواق الباص
يبي يكلمج .. رحت وقال لي انا من يوم الاحد يجي نص الحاره مايوقف عند البيت !!!!!!
يعني قاعدين نلعب نحن ولا شغلة عناد الموضوع ولا شو بالظبط ماادري
للمعلومه ولدي قبل سنتين صارت لنا هالمشكله وكلمت احد مسؤولين المواصلا الامارات وبعد صراع مدة اسبوع الباص دخل للبيت اخيرا
رجعت سألت السواق هل اللي كلمك مسؤول مواصلات الامارات (( فلان )) قال ايه هو
يعني شو اقول بس والله ماادري هل العيب في عقولنا الصغيره ولا في شو بالظبط
انا ماطلبت المعجزات ياناس والله كل اللي ابيه احافظ على سلامة عيالي ..
مواصلات الامارات خلونا ندعي لكم مو عليكم
قبل سنتين كتبت موضوع ولدي فهالقسم واغلب البنات كانوا يقولون انه الباص يوقف قدام الباب
ماادري هل هي تفرقة ولا شو
واتمنى صوتي يوصل للجهه المعنيه بالامر
والله مشكلة !!
يعني لعب الأطفال اللي ما يروحوا المدرسة في الشارع طبيعي !؟ وانو الباص يمشي في الشارع غير طبيعي ! أنا رأيي تضلي تكلميهم لبين ما يلاقولك حل
في بداية العام الدراسي يكون ضغط عليهم إصبري إلى أن تترتب الأمور وإنشاء الله بتنحل المشكلة وتواصلي معاهم والله يوفق الجميع
الله معك
حقك حبيبتي
دام دفعتى مصاريف الباص ليش ما يجي لين بابك؟؟؟
واذا بنتك ما بتنزل امام بابك مشرفة الباص توصلها لين الباب
الله يعينج عليهم
اختي نواري لو انه ظغط مؤقت بتحمل بس يقولون طول السنه هذا النظام
والله العظيم يخلون الواحد يفقد اعصابه معاهم بنتي ولا ولدي لو جتهم ضربة شمس ولا اي حادث صار لهم
منو المسؤول ؟؟؟؟؟؟
معقول !!
لو كانو طلاب مرحلة إعدادي ولا ثانوي كنت بقول عادي .. بس المشكلة انهم أطفال صغار مش واعيين
لو صارلهم اي مشكلة من المسؤووول ؟!!
ان شاء الله تتحسن القرارات ويرتاح قلب الأهالي ويتطمنون على اطفالهم