..
.
.
خواتي الغاليات … كلها ايام معدوده ويدخل علينا رمضان باذن الله تعالى …
والله يرزقنا صيامها وقيامها …
ورمضان شهر الدعاء ………
من فيكم كان لها امنيه او دعوة واستجابت لها بعد رمضان ..
وكيف كان دعائج و كيف استغلالك لوقتك فيه …
يعني كيف قسمتي وقتج …….. وخاصه الي تدرس او الي موضفه وضيفه متعبه مثلي …….
عشان نتشجع ونشجع بعض ………
اتمنى كل وحده تدخل الموضوع لو ماعندها تعليق على الاقل تدعيلي بالفرج وتيسير اموري ….
وجزاكم الله خير ..
يجزاج الله خير
للرفع
يزاج الله الف خير
……… للرفع ………….
اللهم اعن اختي وارزقها من حيث لا تحتسب وفك ضيقها اللهم امين
الدعوة اذا تبينها تستجاب
خليها تطلع من القلب
وما في وقت محدد لها بس حاولي تكون بين الاذان والاقامه واختاري الاوقات المشار اليها فالسنه مثل بعد صلاة الفجر
وقبل غروب الشمس
وفالاسحار
بس تقدرين تدعين فكل وقت انتي يالسه وانتي راقده وانتي فاي مكان واستحضري الاخلاص فالدعاء وان شاء الله الله يستجيب لج دعاءج
الله أيسر لج أمورج يااااااااااارب ……
عن تجربه أنا كنت قبل لا أتزوج كنت دايما أدعي قبل لا أفطر أن الله يرزقني الزوج الصالح وبعد أحيانا كنت أقوم قيام الله وبعد أدعي ..
وسبحان الله بعد العيد على طول يا واحد وخطبني وكان نعم الزوج والله ..