السلام عليكم
عزيزاتي
من جربت اتسوي بوتكس لشعرها وفادها؟؟
وكم جلسه يحتاج؟
اتمنى تفيدوني
تحياتي
ابا اعرف شو الفرق بين البوتكس والبروتين والكراتين والكولاجين صراحه تهنا معهم وشو الانسب ؟؟؟؟؟؟؟؟
بنات ماعتقد شي فرق وان كان شي بسيط جدا جدا ،،
البوتكس يمدحونه بس وحده من اهلي تقول سبب لهل قشره فضيعه !
أنا أخبرج حبيبتي ( مون 55 )
البوتكس : كراتين يفرد ويكثف الشعر الخفيف
الجولد: كراتين يفرد
البلو آوت : كراتين يفرد
الكريستال : كراتين يفرد
البروتين : كراتين يفرد ويعالج
كل هذيلا الأنواع كرااااتين ولايغشونكم ويقولولكم غيييير انتبهو
إذا كنتم مصرين تسوون سئلو أول عن المصدر يعني البلد المصنعة وسئلو عن مقدار المادة إلي تفرد الشعر
وكونو ذكيات لو حاولو يلعبون عليكم فالصوالين
كل هالمنتجات كراتين وأنا متأكدة من معلوماتي هم بس قاعدين يخترعون لنا اسماء
أنا مسوية البوتوكس فيلسة وحدة لن شعري خفيف وفيه تجعدات بسيطة وعقبه استوى ناعم وكثيف بس للامانة مب وايد كثف وأهم شي إني الحمدلله افتكيت من النفشة والجفاف
أها
سمحولي نسيت بعد في
النانو كراتين
الكولاجين
وآخر اختراع هاذا إلي مسمينه الماراكوجا الناس كلها طايحة فيه الحينة
المهم يابنات تأكدو إنه أي منتج لازمن يكون برازيلي البرازيلي وحده إهو الاصلي
مشكوؤره حبيبتي افا ماقصرتي والله توهونا بلاسامي الكثيره ……..