.gif "12 (36)")
اتمنى كل من تقرا كلماتي هذي تكون بخير وعافية .. وكل امورها ماشية تمام بإذنه سبحانه وتعالى
بنات لو سمحتي اريد اطلب منكم شغلة ..
عرسي إن شاء ربي وتمم بيكون بعد خمس شهور ..
وأنا اول بنت تعرس من خواتي .. .gif "12 (48)")
وما عندي فكرة ابــــــــــــــــــــــــــــداً عن كيف ارتب الزهبة .. شو اشتري .. شو اعدل .. .gif "12 (29)")
ربيعاتي في الدوام يقولون لي ابدي من الحين .. جهزي .. وبعدين ما عندج وقت وما ادري شو .. ولا تحسبين انها خمس شهور اعتبريها 4 شهور لان في رمضان ما بتسوين شي تقريباً ..
.gif "12 (80)")
بالنسبة لفلوس الزهاب .. عطوني 100 الف والذهب كله على اهل الريال .. .gif "12 (61)")
بشو ابدا ؟؟
وين توصوني اروح عشان اشتري الزهبة .. ؟
فستان العرس افكر افصله (تأجير لبسة أولى ) وين اروح .. كيف اختار موديلات ؟
فستان الصباحية .. .gif "13 (34)")
هيه صح انا تراه من العين .. .gif "12 (79)")
والشي الثاني يا عزيزاتي .. افكر اسوي ليزر .. او سوفت لايت في مركز رادينس .. ( بنات العين يعرفونه) .. مرات اقول يمكن الوقت ما يكفي عشان اخلص الجلسات كلها قبل العرس .. احس ابدا بعد العرس .. ومرات اقول لا احسن الحين .. ماااااا ادري راسي داير والله .. .gif "12 (53)")
اتمنى على الاقل لو وحدة منكم تعطيني خطة استراتيجية اقدر ابدا بها .. والي تساعدني الله يساعدها في الدنيا والآخرة .. وإلي ما تقدر .. ربي يفرج عليها من سابع سما ..
بس بليييييييييييز بنوتات لا تخلوني .. والله صدق محتاجة مساعدتكم ..
الله يوفق الجميع .. ويسهل عليكم في الدنيا والآخرة ..
ودعواتكم الله يتمم لي على خير إن شاء رب العزة ..
حبيبتي صح كلامهم لازم من الحين تبدين عشان ما تنضغطين
وحبيبتي قبل العرس بشهر حاولي انج تخلصين الزهبة-^
واي سؤال طرشيلي عالخاص وأنا حاضرة^-^
هلا أختي ..
بالنسبة لليزر أو السوفت لايت لازم تبتدين فيه من ألحين لأنه يبي له عدة جلسات ..
والله يوفقج ويسعدج يارب .
فديتج مبرووووووووووووووك الف الف مبرووووووووك
وعقبال كل خواتج وربيعاتج…
صح كلامهم لازم من الحين تتجهزين وتخلصين امورج ع الاقل قبل العرس بشهر.
اول شي حاولي توزعي البيزات..
انا قسمت كل البيزات ودبستهم وحطيت على كل قسم استيكر شو بشتري فيهم 
يعني دبست 3000 مع بعض وكتبت عليهم ( مكياج )
بهالطريقه بيتسهل عليج الموضوع…
وسجلي عندج كل شي بورقه.. كم عباه بتفصلين وكم مخور وكم بدله وبهالطريقه
والسموووووووووووووحه هذا اللي اقدر اقوله لج..
موفقه يارب والله يتمم لج على خير والله يسعدكم دنيا واخره
والله حتى انا شراتج وان شاءالله نستفيد من تجــارب البنات ..
ربي يوفقج ويسهل لج امورج ويتمم لج كل شي على خير يااااااااااارب
فديتج مبرووووووووووووووك الف الف مبرووووووووك الله يتمم عليج ع خير
وعقبال كل خواتج وربيعاتج…
وعقبالي ^ــ* يارب ترزقني بزواج صالحه ذي دين والاخلاق ويسعدني في الدنيا والاخره في القريب العاجل غير اجل يارب قول امين
اذا تبين اي شي من بوظبي انا حاضره بساعدج =)