السلام عليكم ورحمة الله وبركاته
عندي موضوع للنقاش و أتمنى ما يكون في تجريح في الكلام،،
والكل له رايه الشخصي ولازم تحترم آراء الجميع..
استغرب كيف الحريم يخلون الخدامات يغسلون ملابسهم الداخلية الدانتيل و و و ؟ وملابس النوم المغرية؟ ما تحسون باحراج؟ يعني هالشيء خاص ومحد يشوفه غير ريلج، كيف الخدامة تغسل و تكويلج هالأشياء,, يعني هي بتعرف انه انتِ في هالليلة لبستي هالشيء حق "على قولتهم" Sir
أحس هالشيء محرج جدا…
صح انه الخدامة شغلتها التنظيف و الغسيل بس مب معناته تعرف كل خصوصياتكم.. وترا هم واااايد يتكلمون، يعني عادي بشكارات الفريج يعرفون شو تلبسين فليل…
وبعد يوم تسيرون تشترون ملابس النوم الحرير القصير و و و ، ليش الخدامة تشل السلة؟ وليش تشوف من الأساس شو تشترين؟
البعض بيشوف هالشيء عادي بس الصراحة أشوف انه الموضوع حساس شوي.. يعني شخص غريب في بيتج يعرف كل شيء عن حياتج حتى عن اسمحولي على هالكلمة "العلاقة الحميمية بين الحرمة و ريلها"
أنا حاطه غساله بنشافه صغيره في حمامي وانتي بكرامه للاشياء الخاصه ،، وحاطه راك (ما اعرف شو اسمه بالعربي) اعلق عليه الفوط والملابس الداخليه ،، وعندي أوتي بخار في الحجره 
المشكلة الأساسية مب ان البشكارة ممكن ترمس باللي شافته …
الطامة الكبرى انها ممكن من باب الفضول تلبس ملابسج الخاصة عشان تعرف كيف يكون شعورج !!!!!!
لا تستغربون من رمستي !
هالسوالف تستوي والمدامات يا غافلين لكم الله !
أشكرج على فتح هذا الموضوع المهم عشان اللي غافلة تنتبه !
البشكاره تغسل ملابسي الداخليه والبجامات العاديه
يعني الرسوم ولا بيجامه ساده قصيره
اما الاشيا الخاصه والمغريه والقمصان وغيرهم مثل ما تقولين
نو ويييييييي اعطيها … روحي اغسلهم
مستحيل اعطيها تغسلهم
صدقتي اختي وانا مثلج ما حب حد يبصبص على اغراضي الشخصيه حتى قبل ما اعرس ويب عيال اغراضي بروحي اغسلها واكويها ممنوع منعا باتا الخدامه تدخل حجرتي انا انظفها وحتى حمامي وانتوا بكرامه انظفه بروحي وارتب اغراضي والحمد لله
المشاركة الأصلية كتبت بواسطة ياقوتةخضرا 
الطامة الكبرى انها ممكن من باب الفضول تلبس ملابسج الخاصة عشان تعرف كيف يكون شعورج !!!!!!
لا تستغربون من رمستي !
هالسوالف تستوي والمدامات يا غافلين لكم الله !
أشكرج على فتح هذا الموضوع المهم عشان اللي غافلة تنتبه !
وياج 100 %
أنا أعرف وحدة كانت عندها بشكارة من فترة طويييييييييييييييييلة
فيها كل الصفات الزينة
بالصدفة دخلت مرة حجرتها تدور شي
لقت ميموري كارد مالها (يعني مال المدام نفسها)
استغربت شو يايبنه حجرة البشكارة !!!
ويوم فتحته على اللاب شافت الهواااااااااااااااايل …
البشكارة ماسحه صور المدام ومصورة عليهن
صورها الشخصية وهي لابسه كل قمصان نوم ربيعتي في أوضاع مشينة !!!!!!!!
الخذر ثم الحذر ثم الحذر يا بنات !
البشكارة مهما كانت زينة
اتم مجرد نفس بشرية ممكن الشيطان يقص عليها بسهولة