شخباركم يل حبايبي الغاليات؟؟؟
عندي وحدة من الاهل من البحرين هية حامل بالرابع و يوم وهي تراجع بالعيادة و سوولها اشعة بين عندها الياف بالرحم ورا المشيمة
البنية توهاا امعرسة وما عندها معلومات كافية وما اقدر افيدها؟؟؟
ممكن اتشورون عليها او اتطمنوها ؟؟؟
اتمنىى اتساعدوني اطمنها و ان شالله الله ايسر عليها و عل الجميع ان شالله يا رب
{…الله يثبتلج حملج ويرزقج بالعافيه الدايمه وين ما تكونين…}
برفعلج موضوعج بدعوه طيبه غناتي
لأن ما عندي خبره في هذي الأشيااء
عادي اختي انا كنت حامل وعندي الياف في الحمل ولا تاثرت الحمدلله وحملت عقبها مره ثانيه والالياف بعدها موجوده
مشكلتها الوحيده غزارة الدورة
الله يقومها بالسلامه
مشكوريين الغاليين عل المرور
يا ريت لو يالغالية ام نورة وسيف اتخبرينا هل الالياف كانت جرين المشيمة و هل الولادة طبيعية؟؟؟
الالياف تاثر ان تكون كبيرة تضغط على الجنين وتنزل الجنين
الله يبعد الجميع عنه
اتريا بعد مشاركات
والله ما ادري وين كان موقعها بس بعدها موجوده فيني وكانوا في فترة الحمل قلقين من الولاده المبكره لان حجمها يتمدد في الحمل وكان ساعات ينزل علي دم بس مب وايد
بس انا طفت موعد ولادتي وولدوني بطلق صناعي ولاده طبيعية يعني ما اثر على حملي وعالجنين والحين ماشاء الله عليه ريال عمره 4 سنوات ونص