السلام عليكم ورحمة الله وبركاته..
خواتي الغاليات .. انا وريلي " وأخيرا اقتنع يسافر"!! ناويين نروح ماليزيا ان شاء الله على شهر 12 او 1.. اولا شو رايكم ينفع؟ يعني الجو بيكون حلو؟؟
وكميزانية اولية بين العشر وال15 ألف وممكن تتزيد.. ابي رحلة لماليزيا كاااملة المصاريف من الطيران .. للفنادق والنقل وكل شي… اللي عندها خبرة وحابة تساعدي ياليت والله وجزاها الله خير طبعا الرحلة لشخصين ولمدة تقريبا 8 ايام ..
وهل ممكن احصل مكتب سياحي اعنده بكجات بأسعار حلوة؟
وبارك الله فيكن..
أختكم في الله
اختي دشي منتدى العرب المسافرون واااااااااااااااااااايد بتستفيدين
والله انا اتعامل ويا مكتب وايد حلو والبنت الي هناك ممتازة جدا و24 ساعة موجوده وتساعد من الخاطر والله
راسليني على الخاص وانشاله بتدعيلي
اختي انا اتصلت عليها وسألتها عن الرحلة بالنيابة عنك على اساس انها بتكون في اول اسبوع من شهر 1 وقالتلي
الطيران الماليزي والطيران الداخلي( دبي – كوالالمبور – بينانج – لنكاوي – كوالالمبور – دبي )
كله بيطلع التذاكر 3250 للشخص الواحد
والإقامة بتكون كالتالي :
فندق كورس في كوالالمبور 4 نجوم مدة ليلتين غرفة ديولكس
فندق باي فيو بيتش في بينانج 4 نجوم مده 3 ليالي غرفة ستاندرد
فندق باي فيو بيتش في لنكاوي 3 نجوم 3 ليالي غرفة هيل فيو
فندق ليجند في كوالالمبور 4 نجوم 3 ليلتين غرفة ديلوكس
الفنادق كلها مع المواصلات بيطلع 4000 درهم
اجمالي الرحلة كلها بيطلع 10500 درهم تقريبا
ما اقولكم البنت رهيبة بالأسعار
عندج دليل ماليزيا عندهم كل شي تبينه
وذا على الجو الجو طول سنه عندهم مايتيغير يعني تروبيكل مطر ع شمس ع غيوم
شوي صعب في حدود الميزانية الي حاطتنها . بس ان شاء الله يفيدونج البنات ..
و بالنسبة للجو ماليزيا جوها استوائي طول السنة ما يتغير ..
و رحلة سعيدة ان شاء الله
سفرة موفقة الغالية