هلا خواتي الغاليات اخباركن أنا قبل الرمضان في شهر 4 مرضت ورقدوني فالمستشفى لمدة 12 يوم مستشفى دبي طلع السكر فيني مرتفع وايد والتهاب فالبول الله يعزكم وبالدم حاد كان وحرارة مرتفعة والحمد الله على كل حال بس سووا لي فحص سونار ودم وغيره قالوا لي عندج الغدة تعبانة شوي وعطوني موعد للغدد الصماء مارست تهايزت وقالت لي الدكتورة أن الغدة هي ماخرة الحمل عندي ولازم أعالج عسب احمل وأنا خائفة الصراحة ماعرف كيف علاج الغدة إذا في احد تعالج وحملت تخبرني
انا حملت وعندي خمول بسيط جدا بالغده
وكنت اخذ 25 جرام من الدوا
حرمة اخوي نفس الشي عندها خمول بس اكثر عني
وطاح البيبي لانها ما كانت تاخذ دوا
وفعلا معروف ان الغده احد الاسباب الاساسيه في عدم الحمل وخاصة لو ما تعالجتي
انا بعد عندي خمول الدوا تأخذيه بس مرة وحدة في اليوم على الريق و ان شاء الله ربي يرزقج بالذرية الصالحة
انا اعاني من نفس المشكلة عندي خمول في الغدة وهالشي اكتشفته وتفاجات لان ماكانت مبينة فيني الاعراض بس خمول وتاخر الحمل وتوقعت السبب تكيس المبايض اللي بعد اعاني منه وحتى صار اني حملت مرة بس ما اكتمل وطاح والسبب يمكن الغدة حزته ما كنت اعرف ويوم عرفت فيني الغدة فهمت المشكلة وصفلي الدكتور الدوا والحمدلله احس بتحسن عن قبل والخمول ما قمت احس فيه مثل قبل ويارب احمل ، عادي حبيبتي راجعي الدكتور وامشي على كورس الادوية اللي يوصفها لج ولا تهملين بعمرج ترى الغدة من اهم المسببات في الإجهاض وتأخر الحمل ، وربي يشفيج ويشفيني ويشفي كل المسلمين ،،،،،
اول شي عالجي الغده والله هالغده متعبههههههههههههههههههه بس هي اهم جزء تتحكم ف الجسم كامل … نصيحههه كلي اكلات بحريه وايددد ربيان وام الربيان وسمج .. وبتعتدل ان شاء الله مع مراجعة الطبيب طبعن وتاخذين الحبه اذا وصف لج ..
وهي اختيه هي تاخر واذا اهملتي تعق الياهل
أنا عندي خمول بالغدة بعد قالت لي الدكتورة ما أقدر احمل بسببها الله كريم
وانا بعد عندي خمول في الغدة والحين توي اخذ الدواء ربنا كريم