بدش ف الموضوع ع طول
بنات اربيعتي بتعرس جريب .. وبتسكن ف بيت اهل ريلها ان شاء الله
بيكون لها غرفه متوسطة الحجم مع حمامها
ريلها عنده اغراض وايده بحكم انه رياضي .. لبس الرياضه برف وملابسه الداخليه برف
كناديره وغترته وجلابياته .. اغراضه الشخصيه ..
والبنت اشد عندها سوالف وايده ..
المهم يبون يأثثون الغرفه .. اتقول تبا تشتري اثاث بس سرير النوم والتسريحه وهالادراج اللي تي ويا الاثاث بدون الكبت
والكبت تبي اتصممه ع مزاجها .. بحيث انه يكون شي كورنر خاص تنحط فيه الثلاجه ..
والغوري اذا تبى اتسوي شي لعمرها في الغرفه مثل نسكافيه كابتشينو وجي
يعني تبى اترتب الكبت شرات نظام الفنادق بس مب عارفه كيف !!
وفي اي جهه اتسويه
شي جهه ورا الباب اتقول ماتنفع وبيي الكبت صغير وشي جهه عليها دريشه مادري رايكم حلو اتكون الغرفه بدون دريشه!! تستغني عن الدريشه ؟؟
وشي جهه مخرب فيها باب الحمام وجهه مخرب فيها باب الغرفه
ممكن وحده منكن تتكرم وتسويلي تصميم للكبت .. ماعليكن امر
اتمنى يكون كلامي مفهووووووووووووووم
ضرووري بليييز
اهم شي الدريشه قوليلها لاتستغني عنها ولا بتكون كتمه الغرفه وعن الكبت خلها تختار جهه مساحتها كبيره شوي وتفصل كبت كبييييرعلى كبر اليدار يناسب السرير والتسريحه وعن التصميم تسير محلات التصميم وتختار الديزاين اللي يناسبها
اختي الغالية غرور_ انثى
انا بنصحج بنصيحه وانشاء الله تعيبج بدال ماتدفعين عالكبت بزياده عن قيمته سيري ايكيا ويتلقين عندهم كبتات مقسمه وايد حلوه بترضيج وبترضيها من جميع الاذواق منها القماش ومنها الخشب وموفقه اختي والسموحه
المشاركة الأصلية كتبت بواسطة el 7aboba 
المشكله مافي مساحه عوده الا اذا استغنت عن الدريشه !
مشكوره حبيبتي ع ردج
المشاركة الأصلية كتبت بواسطة karamela انا بنصحج بنصيحه وانشاء الله تعيبج بدال ماتدفعين عالكبت بزياده عن قيمته سيري ايكيا ويتلقين عندهم كبتات مقسمه وايد حلوه بترضيج وبترضيها من جميع الاذواق منها القماش ومنها الخشب وموفقه اختي والسموحه
وين مكان ايكيا بالضبط؟؟
تسلمين حبيبتي ع ردج
ايكيا في منه في بوظبي في المارينا مول ودبي في الفيستافل سيتي وفعلا بتحصل اشياء ترضيها انشالله
اذا كان عادي عندها تستغنى عن الدريشه ..ممكن تسويها بس تحط ستاره في مكان ثاني وممكن تحتها تخلي احد من الصباغين يرسم لها دريشه .. هاي خدعه يسويها المصممين لأن الدريشه تعطي كبر للغرفه …وبخصوص الكبت مثل ماقالت اختي ايكيا انا رحت هناك وقالوا لي اي رفوف اي تصميم تبينه يسونه واسعارهم وايد حلوه