السلام عليكم
بنتي عمرها اسبوعين وطول الوقت صياح مـ‘ـن الغازات حتى اسمع اصوات ببطنها
خذتلها انفاكول بس ماعرف شكثر اعطيها
عطيتها مرة مثل المكتوب عالعلبة 5.
قبل الرضعه وابقي اتاكد منكم وكم مرة نستخدمه
ساعدوني بسرعة حالتها حالة ويا الرقاد اغلب الوقت تصيح
اعتقد 3 مرات بس الانفاكول مول ما عيبني انا على كل عيالي استخدم سالينال مع انه ارخص من انفكول بس احسن منه بوايد
الانفكول تعطيه على كل كيلو من وزنه نقطتين خيتوو
وفيه بعد Dentinox تعطيه 1/2 مل
ماتشوف شر
الغاليه لا تعطين البيبي أدويه من نفسج ..
أفضل انج تستشيرين دكتور في هالأمور أو على الأقل اسئلي الصيدلاني عن الجرعه أضمن …
و أنا شخصيا أفضل الأعشاب لأني استخدمت لولدي قبل الانفاكول ما حسيت انه له هاك التأثير ..
جربي الينسون و المثيبه بعد ممتاااااااااازه تريح و تهدي البيبي ..
و رقدي البيبي على بطنه بين فتره وفتره لأنه هالشي يريحه ..
انا استخدمه مرتين قالي الدكتور الساعه 2 الظهر والساعه 9 بالليل قبل لا ترضعينها تعطينها
بس الغاليه عطيها ينسون ولا نعناع يريحهم عن الغازات
الينسون وايد زين
انا ولديه فديته عمره شهرين ..
ويعاني من هالغازات ..
اعطيه ينسون ومرات حلبه يعني انوع له بالاعشاب ..
اعطيه مرات جاي امبرس ..
بس طبعا ما يطيع يشرب الا نتفه ^^ عنييييييييد ..
مع انه نادر ما يرضع صناعي …
والبارحه وديته الدختر .. وخبرت الدكتور عن المغص والغازات ..
قالي اعطيه انفاكول ..
قلت له اني اعطيه مرتين او ثلاث فاليوم بس ما شوف اي تحسن ..
تم يضحك وقالي تعرفين انه طريقج غلط.!!!!
قال الانفاكول لو تعطيه العلبه كامله ما تضره ابدا ابدا ..
قالي اعطيه ع الاقل عشر مرات فاليوم وفوق ..
وشوفي ..
قلت له واااااايد .!!!
قالي الانفكول يدخل ويحارب الغازات ويطلع معاها .. ولا ياثر بجسم البيبي ولو شي بسيط ..
وتميت اسوي شرات ما قالي من امس ..
وحمدلله بفضل ربي احسه ارتاح ^^