خواتي بغيت اعرف بالنسبة لمنهج الرياض
انا اعرف انه حاليا تكون معلمتين في الصف
وحده مواطنة ووحده اجنبية
بغيت اعرف كيف النظام يعني شو ندرس الاطفال
فيه وحدات و الا بس نعلمهم الحروف
انا سألت من قبل و قالوا لي انها المعلمة المواطنة تدرسهم فقط حروف اللغة العربية
اما المعلمة الاجنبية فتدرسهم الانجليزي و الاعداد و العلوم
منو عندها خلفية عن الموضوع
و كيف مقسمين الحصص بين المعلمتين
و معقولةالمعلمة المواطنة بس تعطيهم حروف يعني ما تعلمهم الارقام بالعربي و لا تعلمهم علوم؟ و لا تربية اسلامية؟
اللي تعرف معلمة رياض اطفال تشتغل في امارة بوظبي او العين
يا ليت تفيدني و المعلمة متى تخلص دوامها ، الساعه 3 او الساعه 1
و مشكورات
اصلا وجود المواطنه اولا علشان اترجم لليهال تعرفينهم صغار مايعرفون شي وثانيا مستحيل ارقام وحروف بس نسيتي دين تحفظهم القران والاحاديث ووالادعية
والعربي تعلمهم الاحرف قراءة وكتابة وكيف يكونون جمل واكيد اناشيد تتعلق بالمادة
الرياضيات والعلوم انجليزي صار فالاجنبيه هي تعلمهم وانتي وجودج مهم اترجمين لهم لو صار شي لانه الاجنبيه مابتفهم عليهم واصلا ماتستخدم المدرسة كلمات صعبه بالانجليزي كلمات وجمل مبسطه علشان يفهمون عليها ..
وبعدين لازم في خطة شهرية تمشون عليها ..فكل يوم شو بتعطون اليهال متى يكون التسميع متى الحفظ !!
هالنظام مطبقينه حاليا فاغلب المدارس
بس حاولي ادخلين صور واشياء ملموسة علشان تتركز صورة الشي فمخ الطفل هاي افضل طريقه حق التعليم ..
يعني مثلا تفاحة يبي شكل التفاحة وحمرا علشان يعرفون اللون الاحمر ورد بالانجليزي جي بسرعه بيتعلمون
وبالتوفيق
انا سمعت انهم لغوا نظام الشراكة
وانهم ردوا للنظام القديم
صح ولا؟
للرفع
للرفع