السلام عليكم ورحمه الله وبركاته
هذا الموضوع للمناقشه
كل وحده تدخل وتكتب وين اتسوي فيشيال حق ويها اي صالون وشو المواد الي يستخدمونها او ححتى الاسعار او في اي اماره علشان الكل يستفيد
صالون : صالون رويال واتر هيلث سبا
المكان : دبي خلف ابوهيل- في مركز الممزر
السعر : 230
في عندهم كذا نوع من الفيشيل انا الي حبيته اسمه بارافونجا تنضف البشره اول بعدين بخار وبعدين مساج وعقب الماسك لمده 20 دقيقه
بس المشكله انه مافيه شي غريب او شي يديد في الفيشيل ويستخدمون كريمات من ماركه فرنسيه مش مشهوره
شكرا :22 (20):
معقوله ولا بنت اتسوي فيشيل
22 وحده دخلو على الموضوع ولا وحده شاركت
انا جربت الفيشال عند صالون عمرو .. احسه زين ..تستخدم ماركة فرنسية GUINOT بس غالية يعني تقريبا 300 درهم
ورحت صالون باريس غاليري حسيته وايد دلع والحرمة اللي تسوي ايدها ناعمه وتدلعج صدق .. بس ماحسيت تنظيف بس دلع ومساج نسيت كم سويته .. بس اعتقد 250 يمكن والله مش ذاكرة
وننتظر باقي الاخوات وخبراتهن ..
مرة سويت عند صالون اروشي الي عدال لامسي بلازا من فترة طويلة وكان زين في نوعين هندي اي بكريمات هندية او فرنسي وانا سويت الفرنسي بس صدق نظافة زينة وكان ب 50 درهم بس الحين زاد ومادري من فترة ماسرت لهم ومشكورة الغالية على طرحك للموضوع الي حنا محتاجينه
للرفع
..هلا خواتي .. بخصوص الفيشال
انا سمعت نصيحه من خبيرة بشره .. اتقول لاتكثرون من الفيشال .. يعني مرتين في السنه بالكثير .. والفيشال ينفع اكثر شي للي يعانون من الرؤوس السودا .. لانه ما يعالج شي ثاني .. ولمعالجة الجفاف او الحبوب او الدهون او الهالات او البقع .. هذي يبغيلها عنايه يوميه .. وثانكس ..
والافضل تشترين عدة الفيشال من غسول يومي مع كريم النهار وكريم الليل وكريم ضد الشمس ومقشر وماسك ووكريم العين وكريم الشفاه ووواقي الشمس .. وتستخدمينها بروحج كل اسبوع مره ..افضل من الصوالين..
وبالنسبه لي سويت مره في باريس غاليري في بوظبي ومااحسيت باي تغيير .. ^___^ ..
وثانكس
شكرا على المرور والمشاركه