السلام عليكم ورحمة الله وبركاته ,,
خواااتي ماعليكم امر ,, بغيت حد يفيدني بمعلووومات عن مرض السكري ,,
عمي فيه مرض السكري ,, وصاير هالاسبوع يرتفع عنده السكري بشكل مب طبيعي وبصراحه ماعرفنا شو السبب ,, يعني قبل كان ف100 ,, الحين يوصل ال 400 ,,
المشكله ماياااكل شي فيه سكر ,,
ويوم يروح المستشفى يقولوله عاادي ومادري كيف ,, لانهم متعودين على هالنسب ,, بس نحن فالبيت مستغربين كيف طلع لهالرقم فجأه ,, المشكله الصبح يكون زين وفليل نحصله مرتفع ,, او العكس ,, فليل يكون زين والصبح مرتفع ,,
هو كبير فالسن واحس التفكير ونفسيته تعباانه وحااابه اسأل ,,
شو الممنووعات لهالمرض ؟ اخاف ياخذ شي ونحن على بالنا زين ,,
او شو الي يكون مفيد له ويعدل مستوى السكر ومايخليه يرتفع فجأه ,,
ياليت من الاخوات الي عندها خلفية تنصحني او تشور عليه ,, والله يزاها خييير فكل خطوه تخطيها ,,
والسموحه . . ومادري الموضوع فالقسم الصحيح او كيف .
يالغالية يمكن هو يفكر بشي و انتو ما تدرون به لانه التفكير يرفع السكر مب شرط من الأكل شوفوه بشو يفكر و اهتموا بأكله يعني امنعوا عنه السكريات و النشويات و الدهون و كثروله من الأكل صحي أكثر مثل السلطاات قبل الغدا و يفضل الأكل المفور احسن و المشوي بعد مثل الدياي و لحم و السمجو خلوه يسوي رياضة المشي لانه ينظم السكر بس اذا السكر كان عنده مرتفع او نازل لا اتخلونه يسوي رياضه لانه بيتعبه اكثر و ياخذ ادويته بانتظام ااذا تبين اي مساعده او استفسار اسألي يا اختي لاني انا بعد مريضة بهالمرض و الله يعافي كل انسان يا رب
المشاركة الأصلية كتبت بواسطة ام بادي 
تسلمين اختي على ردج والله يزاج خييير على هالمبادره ,,
مادري ياختي اذا يفكر بشي ومخبي ,, بس نسولف وياه وجي وعادي وحرمته تقول مايفكر بشي بس الله يعلم ,, وانا اشووفه مشغوول بحالته ,, ويعني يحااااتي واااايد السكر ,, قبل يقول ماعليه مابيصيير لي شي والحين مايرمس بالمره ويوم نعطيه شي ياكل يقول لا يمكن يزيد السكر مع ان الشي الي نعطيه اياه مافيه سكر ,,
وهو الله يهديه مايطيع يااكل ديااي ولا لحم وناادر ياكل سمج مع اننا نحاول فيه بس الله يهديه كله مايعيبه ,, والسطات يادوب ياخذ خس وبصل وجرجير ورويد ,, ماااااياااكل شي ثاني ,, يخااف اييه حرقه فالصدر او يحس بالانتفاخ فالمعده ,,
والمشي مانعين عنه المشي لانه وااايد يتعب من يمشي ,, ف ماروم اقولج نخليه يمشي ,,
والله الشواب ماتعرفيلهم ,, وهوه من النوع الي مايرمس ويقوول فخاطري الحايه الفلانيه
الله يكوون في عوونه حبيبتي .. هذي مجموعة نصايح لمرضى السكري اتمنى تفيده مع اني متأكده انه الدكاتره قالوله هالكلام من قبل ..
طبعا كلنا نعرف انه مرضى السكر لاازم يراقبون أكلهم بشكل دقيق علشان يحافظون على مستوى السكر فالدم بالشكل الطبيعي فلازم يعتدل في تناول المواد الكربوهيدراتية كالسكر والأرز والبطاطا والخبز ، والاعتدال في تناول الدهون والإكثار من تناول الأطعمة الغنية بالألياف كالخضروات والفواكه مع الانتباه لكمية السكر الموجودة فيها ،
لازم يستبدل السكر بالمحليات الصناعية مثل السويتام Sweetam اذا كان حاب يحلي القهوة او الشاي او العصير . ومن الأمور الهامة التي يجب الاهتمام بها ، الالتزام بكمية السعرات الحرارية الموصى بها من قبل الطبيب المعالج ، مع مراعات إن يكون الغذاء في نفس الوقت متوازنا ومتنوعا بحيث يحتوي على النشويات والبروتينات والدهون والفيتامينات والمعادن وبنسب دقيقة ومحسوبة ، وآخر شي لازم يلتزم بأخذ الدواء مثل ما وصف له الطبيب وكل جرعه في وقتها ….وبما انه ما يقدر يمارس رياضة المشي فما يحتاي أظيف هالنقطه
والله يشفيه ويعفي عنه … وطمنينا عليه أول بأول
المشاركة الأصلية كتبت بواسطة "فلونه" طبعا كلنا نعرف انه مرضى السكر لاازم يراقبون أكلهم بشكل دقيق علشان يحافظون على مستوى السكر فالدم بالشكل الطبيعي فلازم يعتدل في تناول المواد الكربوهيدراتية كالسكر والأرز والبطاطا والخبز ، والاعتدال في تناول الدهون والإكثار من تناول الأطعمة الغنية بالألياف كالخضروات والفواكه مع الانتباه لكمية السكر الموجودة فيها ،
لازم يستبدل السكر بالمحليات الصناعية مثل السويتام Sweetam اذا كان حاب يحلي القهوة او الشاي او العصير . ومن الأمور الهامة التي يجب الاهتمام بها ، الالتزام بكمية السعرات الحرارية الموصى بها من قبل الطبيب المعالج ، مع مراعات إن يكون الغذاء في نفس الوقت متوازنا ومتنوعا بحيث يحتوي على النشويات والبروتينات والدهون والفيتامينات والمعادن وبنسب دقيقة ومحسوبة ، وآخر شي لازم يلتزم بأخذ الدواء مثل ما وصف له الطبيب وكل جرعه في وقتها ….وبما انه ما يقدر يمارس رياضة المشي فما يحتاي أظيف هالنقطه
والله يشفيه ويعفي عنه … وطمنينا عليه أول بأول
تسلمين اختي ويزاج الله الف خير ,,
اسعدني مرورج ^_^
للرفع