السلام عليكم و رحمة الله و بركاته..
بنات بغيت اعرف قبل الميكب شو البيس او المرطب اللي ينحط على الوجه قبل كريم الاساس و يخلي الويه منور و يطلع الميكب حلو و مرتب ؟؟ شو احسن ماركه تنصحوني فيها ؟؟ بغيت تجاربكن..
لا طنشوني بلييييييز
بعدكم ما رديتوا علي !!!!
مب مشكله بسير و برجع !!!
انا احط المرطب اول شي واستخدم أولاي بالتوت
وعقبها بشوي ابخ كمن بخة من ماك فكس+
وعقب ما ينشف احط البيس واستخدم من ميكب فور إيفر..
ومنها اكمل باجي الميكب
وان شاء الله اكون فدتج حبيبتي…
المشاركة الأصلية كتبت بواسطة mayadah99 
انا احط المرطب اول شي واستخدم أولاي بالتوت
وعقبها بشوي ابخ كمن بخة من ماك فكس+
وعقب ما ينشف احط البيس واستخدم من ميكب فور إيفر..
ومنها اكمل باجي الميكب
وان شاء الله اكون فدتج حبيبتي…
هلا عزيزتي
انزين اذا ممكن اتحطين صورة مرطب الاولاي بالتوت ؟؟ و بغيت اعرف ما يزيت الويه ؟؟
الشي الثاني بغيت اعرف شو فايدة الماك فكس؟؟
اسموحه كثرت اسئله…
للرفع
الغاليه حسي نوع يشرتج
اذا كانت وايد جافه لازم تستخدمين المرطب اول شي (المرطب اللوشن وايد احسن لانج عقبه بتحطين الفاونديشن وما تبغين اتثقلين ع البشره )
اتريي 10 دقايق عشان البشره تمتص المرطب عدل وامسحي بالخفيف وجهج بالكلينكس (مجرد تربيت مب مسح مسح )
حطي الفاونديشن واتريي كمندقيقه وخلاف البودره
هذا للايام العاديه
لكن للمناسبات عقب المرطب ب 10 دقايق تحطين البيس وعقب شوي الفاونديشن والبودره واخيرا مثبت المكياج البخاخ
اذا كانت بشرتج دهنيه لا تستخدمين المرطب قبل المكياج لانه بيخليه يسيح وما يثبت
انا احط ماي ورد اول شي واستخدم المكياج