ملف حلويات الأوريو أرجو المشاركة يا عضوات

هذا البسكوت اللذيذ ما أعتقد في حد ما يحبه ..

وبصراحه وااااايد يعطي طعم لذيذ للحلويات ..

بس للأسف إني ما أعرف أسوي غير نوعين أو ثلاثة بالأوريو ..

بحطلكم اليوم واحد وبحاول في أقرب فرصة أحط الصور بعد..

وياريت كل وحده تعرف تسوي سويت بالأوريو ما تبخل علي و تحطه هنيه عشان نسوي مع بعض ملف شاااامل لجميع حلويات الأوريو ^^

نبدأ بكرات الترافيل نفس مال المحلات الراقيه ==> بدون ذكر أسامي مابا أسوي دعاية

المقادير والطريقة :

كرتون أوريو الأسود ((كرتون كاااااااااامل)) ينطحن مع الكريمة مالته و ينخلط مع علبة جبنة فيلاديلفيا (200 جم) لين تتكون عندنا عجينة ..

ناخذ هالعجينة ونكورها كور صغيرة ..

نكون مجهزين كاكاو ممكن جالاكسي أو أي نوع تحبونه و مذوبينه على حمام مائي

نغمس كل كرة في الجالاكسي ونحطها على شبك لين تبرد وينشف الكاكاو عليها وبعدين نحطهم في أوراق بليسيه وندخلهم الثلاجة وبالعافية ..

حلاوة جدا سهله وبسيطه ولذيييييييييييذة ..
يوم أسويها الكل يسألني عن طريقتها ..

بانتظار مشاركاتكم يا حلوات ..

لا تنسوني من دعواتكم ..