بما ان الاغلبيه عندهم عيال يروووحون المدارس واحيانا الواحد يحتار شو يحط في شنطه الطعام
سويت ملف فيه اغلب الاطعمه الي ممكن عملها للاطفال…
هو جهد خاص فاتمنى كل وحده تستفيد تدعيلي ولزوجي ولذريتي بالصحه والعافيه والمغفره
واتمنى عند النقل على الاقل ذكر المصدر والدعاء لي…
ولو فيه تعديل خبروني عشان نوصل لشي مثالي
مشكورة الغالية .. بس بنتي تسد النفس ما تحب تغير كله تبى صمون وجبن وعصير كل يوم نفس الشي .. حاولت وياها تاخذ لبنة وزعتر أو كرواسون ما تطيع .. الله يهديها ويفتح نفسها للاكل..
براويها الجدول يمكن تتشجع يوم تشوف الألوان والتصميم الحلو..
مشكوره الغاليه ويزاج الله خير
يزاج الله خير….ويحقق لج ماتتمنين…
انا عيالي …يحبون صمون بالجبن او نوتيلا…وعصير كابري سن مانجو…اوفراوله
مرات احط كب كيك الصغار سويتز.
احيانا موز…
مشــــكورة على الأفكار
مزيداً من الأفـــــــــــكار
مشكورة عزيزتي
ويزاج الله كل خير
والله يوفقج ويعطيج العافية لج ولزوجج وعيالج
تسلمين واربي ايوفقج
ويعطيج اللي تتمنينه
انا احط لبنوتي الماي الصغير العلب عشان تشربه كله
واحطلها كابرسن برتقال
الصمون مره جبن ومره نيوتيلا
والفواكه احطلها مره موز ومره كثره او سنطره او اقصلها فنوخ برتقال
والخضروات احطلها مره جزر ومره خيار مقشر ومقطع دواير
واحطلها بسكويت بالتمر خخخخخخخ
عااااااد يوم اسالها كليتي اكلج اتقول مب كله واتوزه على ربيعاتها