مسآ لخير ..
بنات انا بملج جريب ومحتارة .. حاطة ميزانية لل فستان تقريبا 1200
انا من بوظبي , افضل ا أجر الفستان لو تعرفون وين ف بوظبي بتفيدوني .. لانه ادري اذا شريته بيتم معلق فالكبت وما ببيعه
مآعرف وين اتحنى , ملجتي بتكون فالبيت .. ومادري وين اروح اتعدل
اي نصيحه تخطر ف بالكم .. اتمنى تساعدوني فيها
معظم الحريم اللي يأجرن الفساتين فالشارجه و عيمان
تعدلي ف عروس الخليج و تحني ف صالون الاخوات
الله يسهل امرج
ربي يسهل عليج ويتمم لج على خير
امممم بهالحدود احسن شي تأجرين
ادخلي موقع يباب دوت كوم وبيحطون لج كم وحده تأجر في بوظبي وان شاء الله تحصلين على هالميزانيه
انا نفس تفكيرج ماكنت اريد اعق مبلغ كبير على فستان بينعق بالكبت بالاخير
بس بنفس الوقت ماحب فكرة الايجار وايد
فقلت باخذ شي سعره معقول والاهم من هذا عملي يعني اروم البسه حق مناسبه ثانيه مب منفوش وحاله ويكون ناعم
فدورت ف بوظبي تعبت
اخر شي رحت السوق المركزي اليديد محل اسمه بيسان بصراحه روعه يبيع فساتين من تركيا و غيره
شغلهم راقي وحلو
والفساتين بحدود ٢٠٠٠ الى ٣٠٠٠ بشكل عام طبعا يستوي تكاسرين وينزل لج بس ١٥٪
بصراحه الفستان روعه الكل قال يجنن وناعم وبخليه لمناسبات ثانيه ماراح اعقه لانه عملي
فانتي اذا حابه هذه فكرتي لج
وطبعا المكياج والتسريحه ماخبرتهم ملجتي ولا شي هههههه
رحت باتشي لوتشي وسوو لي شعري ومكياج على ١٠٠٠
مكياجهم ناعم والشعر مب وايد يضبطونه
بس انصحج تروحين بيوتي بالاس شغلهم اضمن واحلى
والحنا رحت صالون سونا بعد ماخبرتهم اني عروس وشغلهم حلو اذا تبين قولي لهم يراونج نقش دانتيل اس يعني ياي النقش مموج على على حرف اس واسعارهم بلاش طبعا
طبعا لاتقولين انج عروس لانه بيرفعون عليج السعر ٨٠٪ زياده وبالاخير جذب كله نفس الشغل
موفقه ياااارب
بالتوفيق
مووووووفقة