مرحباااا .. شحااالكم عسااكم بخير وسهاله ….
المهم حاابه اقول شي وابى رايكن فييه ورايكن وايد يهمني
انااا مخلصه ثانوويه ومقدمه ف الجاامعه والكليه وقبلووني ف الجامعه..
بس انااا هب مرتااحه للجامعه من كثر ما اسمع انهاا صعبه وكل سنه تتصعب اكثر
وماادري احس اني مااابفلح فيهااا خخخخ
والكليه كل حد يمدحلي اياااها واناا ارتحتلهااا وااايد بس ماادري
اناا خاطري بشهااده الجاامعه ..وابي ادرس ف الكليه >> مشكله معقده هع هع
واللي يقوولي درسي كورس ف الجاامعه شووفيها يمكن تعيبج واناا مالي خاطر اجرب ولا اضيع وقتي ..
فحبيت استشيركن وخاااصه اللي درسن ف الجاامعه او الكليه ..
صراحة الجامعة كورس عن كورس يصعبونها لنا
الله يعينا صدق
والكليه ما اعرف عنها شي الصراحة
انتي صلي استخارة وربي يوفقج ان شاء الله
حبيبتي انا بقولج شي..
مااااااااااااااااااااااااااااااا عليج كلام الناس!!!!
هذه النصيحه الوحيده اللي انصح فيها نفسي وانصح فيها كل حد..
حبيبتي ما فيه سهل..لا تقولين ما بسير هني عشان يقولون صعب وبسير هناك عشان يقولون سهل.. انتي عليج باللي ترتاحين فيه.. ترى الدراسه كلها صعبه.. ويبيلها جهد و سهر وتعب..
الصراحه اشوف الكليه احسن ليش؟ اول شي الجامعه نظام السكن مالهم تعباااان.. ثاني شي اذا تخرجتي من الكليه فرص الشغل جدامج اكثر و لغتج بتكون اقوى من لو درستي في الجامعه..
والسموحه..
درب الوله
انا من جامعه زايــد 
انتي مبين عليج حابه وضع التقنيه وبنفس الوقت تبغين شهاده جامعيه ..
اذا مستواج الانجليزي تووب .. دخلي جامعه زايــد .. بتخلصين الدراسه في 4 سنوات ..
واذا يالله ممشيه حالج في الانجليزي .. عادي حبيبتي , خلصي الدبلوم العالي .. وعقبها درسي سنتين بكاليريوس ..
كلها على بعضها بيصير 6 سنين .. شرات لو درستي في جامعه زايد من البدايه .. تاسيسي + 4 سنوات الجامعيه ..
من جيه انصحج تخلصين الدبلوم العالي اول .. لأن دراسه الدبلوم العالي اسهل شوويه من البكاليريوس ..
وعالاقل لو خلصتي الاربع سنين تاخذين شهاده دبلوم عالي احسن من تتمين 6 سنين وماتضمنين تنجحين او لا !!
الله يوفقج ^__^
انا بعد من جامعه زايد
وانصحج لو انتي انجليزيتج زينه سواء محادثه او كتابه و تحبين الدراسه شوي سيري الجامعه ..
بس الكليه مول ما انصح حد وخصوصا بسبب انتشار نسبه البويات فيها والعياذ بالله
انصحج حبوبه انتي شرات اختي الصغيره لا تقولين التقنيه مالج غير الجامعه.
الكليه حبوبه تعلمج وتأهلج لوظيفه وبعد فتره تحسين ما استفتدي شي منها لا وبعد تردين تدرسين الانها الا دبلوم وبتشوفين ربعاتج الكسلانات عندهن ما جستير وظايف عاليه وانتي دبلوم وظيفه نص ونص وراتب على القد .
لا اختي خلج طموحه الحين يوم تقدمين وظيفه يقولولج عندج ماستر بعد البكلريوس الدنيا يا حبيبتي تغيرت الحين كل بنت تبى يكون عندها مستقبل مشرف في الوضيفه والمعاش الراهي والسياره ولبس من أرقى المولات يعني تكوني طموحه وحتى الريايل يا حبيبتي يتشجع يوم يقولون هاي حرمه عندها شهاده فلنيه وظيفه زينه .
ولا تقولين ما بحصل وظيفه الي يدور يلقى وما شاء الله شوفي معرض التوظيف.
حتى فكر اهلنا تغير عن البنت انها لازم تدرس وتشتغل .
شوفي غناتي انا ما صعبتها عليج بس حبيبتي انصحج وشوفي الي يناسبج .
حبيبتي
انا كنت شراتج
قدمت على الكليه والجامعه
وعقب سمعت عن كلية التربيه ودخلتها .. والحمدلله الحين مرتااحه ومستواااي وايد اوكي عن قبل
بس اذا نسبتج فوق 85 خبريني وراسليني على الخاص عسب اعطيج شي بتستفيدين منه واااايد
استخيري وشوفي شو الاحسن لج
انا عن نفسي كنت حاطه التقنيه
وبعدين جامعه زايد
مع اني كان بخاطري بجامعة الامارات بس ماماتي ما طاعت .. تقولي ما بتتحملينها
والتقنيه لما قدمت امتحان سيبة الرياضيات والله دخلتها وانا مو مرتااحه
وجامعه زايد سمعت انها وايد صعبه مع اني ماشاءالله انجليزيتي اوكي
لكن شوفي ربج وما يريد .. فتحوا كلية التربية ودخلتها .. مع اني ابد ما كنت حاطه في بالي اكوون مدرسه بس دراستهم حلوة والامتيازات حلوة ويكفي انه ورانا محمد بن زايد ربي يحفظه
وكانت عندي بعثات للخارج وبعثات داخل الدوله ودرت الكل ودخلت هالكليه
والحمدلله .. ربي يسر اموري ووفقني
والله يوفقج ان شاءالله