السلام عليكم والرحمة…بنات انا اليوم جاية على الله ثم عليكم وياليت مثل ماتعودت منكم ماتردوني وتستتحملوني ان طولت عليكم
انا توني متخرجة وجالي وظيفة مدرسة بمدارس خاصة انا طبعا الجو جديد علي جدااا وخصوصا اني ماكان على بالي ان عمري بحياتي اشتغل بالتدربس بس جات الوظيفة هذي في وقت كنت مااستحمل اقعد في البيت حتى المرتب مرة مو حلو بس الللي خلاني كملت بالموضوع اني حبيت الموضوع جدا وحبيت الطلبة جدااا جدااااا وحبيت اكثر انه لمن رحت المدرسة ماكان عندي ولا ذرة معرفة عن المنهج اللي بعطيه وبعدين قلت للمدير قالي انا سايب لك الموضوع تعرفي المنهج وتوريني كيف امكانياتك دورت وبحثت بكل مكان لحد ماتوصلت لمعلومات لابئس بها وبديت ودرست المنهج تبدا المشكلة وهيا اني يابنات احيانا احس اني شاطرة وتوصيلي للمعلومة حلو واحيانا احس اني ولا بفهم شي ولما كمان الطلبة يسالوني في شيء ومااكون عارفته هو مايوكن له علاقة بالدرس بس اقول ماعندي معلومة ماعرف بدل مااقول لهم معلومة خاطئة حتى الطلبة بدت تحس بهالموضوع وثقتي بنفسي مرة مهتزززززززززززززززززززززززة تعاملي معاهم ممكن يكون شوي بحذر اخاف مايحبوني او مايتقبلوا شخصيتي مع انه دايم اصحابي يقولون لي اني مرحة وحبوبة وادخل القلب على طول بس لما اشوف لهفتهم على مدرسةة ما هنا ابدء اضايق والله العظيم كل يوم ارجع البيت ابكي واحس بخنقة موطبيعية بنات ابغى منكم تفيدوني الله يوفقكم
فديتج الله يكوون في عوونج و ان شاء الله البنات يسااعدوونج
الله يعينج
بس اقووول…ما عندي معلومه احسن من المعلومه الخاطئه
وبالتوفيييق ان شاء الله
عادي حبيبتي بما انج يديدة عادي تتلخبطين في البداية ، على حسب الظروف والمنهج أيام بتمر عليج حصص ناجحة من غيرما تستخدمين وسائل ، واحيانا لما تتجهزين وتستخدمين وسائل ممكن الطلبة في هالحصة ما يكونون في نشاطهم مثل ما قلت لج حسب الدروس والنفسية ، واضح انج تحبين شغلج ، بس أهم شي تعرفين كيف توصلين المعلومة ، ترى مب شرط كل الأولاد يحبونج ،في بداية تدريسي وااايد كنت مضغوطة وكنت أحاتي مثلج ، كانوا مسوين مسابقة في الاذاعة ، يطلع طالب وااحد من كل صف ويختار المعلمة اللي يحبها ويقدم لها وردة ، بما اني كنت جديدة ما توقعت أحد يختارني ، طلع واااااحد ما توقعت إنه يحبني ولما قدم لي الوردة والله بغيت أحضنه لولا المستحى عمري ما بنسى هالموقف ولا بنسى الطالب من هذاك اليوم وتغيرت نظرتي للطلبة وكنت احاول امسك اعصابي ساعات غصبا علي أعصب نصيحتي لج اهتمي بتحضير المادة بشكل ممتاز وان شاء الله بتشوفين ثمرة جهودج اخر السنة
الله يوفقج .
مشكورين كل اللي ردوا حتى لو دعوة
مممممم والله مب عارفه شو اقولج…
انا مش مدرسه ولا موظفه حتى…
بس بخبرج عن مدرسينا الي في المدرسه والجامعه…
الصراحه في مجموعه من المدرسين والاساتذه كنا نحترمهم وبنفس الوقت كنا انحبهم…
بقولج ليش؟؟؟
اذكر كانت عدنا مدرسه ايام الثانويه العامه…كنا وايد انحبها ونحترمها…
اذكرها كانت خارج الحصص والكلاسات حبوبه كانت..واتسولف ويانا…كنا نعتبرها اختنا العوده…
بس الصراحه في حصتها…ابدا ما كانت تعطينا ويه…كانت جدا جديه…اتخليج تحترمين الحصه غصبا عليج…
اذكر وحده بغت تستهبل عليها وتتمصخر وياها في الحصه…اتطالعتها بنظره…البنيه انطبت وبعدها اصطلبت…
بس في نفس الوقت ماكانت وغده في الحصه…بس كانت اتعرف كيف اتخلي طالباتها يحترمونها…
نصحيه لا اتخلين الطلبه ياخذون عليج وايد…كل شي لاااااازم بحدود…
بعد اذكر مدرس في الجامعه نفس الشي…كان في حصته جدي…بس برع الحصه احسن منه ماشي…بعد كان بحدود…
يعني في الاخير اقولج امسكي العصا من النص…لا تفتحينها على البحري…ولا تستعسرين وياهم…
مثل ماقال الرسول صلى الله عليه وسلم خير الامور الوسط…
تهم شي حبيبتي لاااااااااااااااااازم يحترمونج…لان اذا ما احترموج عمرهم ما بيعبرونج…
والله انا اتكلم عن جيلي…
بس جيل هالايام الله يعلم بهم…
الله ايعينج…
موفقه يارب…
عادي فديتج
شوي شوي بتتعلمين وبتكونين احسن عن باقي المعلمات
لوووووووووووووووووووووووووووووووول