أختي دايماً ترفع صوتها علي مع اني اكبر عنها
أكلمها بنبرة هاديه بس تعصب بسرعه وما أحس انها تحترمني
ما لي غيرها بصراحه، ما عندي صديقات ولا حد من الاهل، الوحيده اللي اسولف معاها
كلمتها وايد وتقتنع ف النهاية وتقولي آخر مرة لكن كل مره ترد لعادتها
دمها حار وتعصب على أشيا تافهة جداً و تضخم المواضيع
قلت لها باجر تتزوجين بيكون عندج عيال كيف بتتعاملين وياهم
أحياناً بعنادها تخليني أندم أني أكون وياها وأسولف دوم
بس أكثر شي يقهرني لما تسولف مع بنت عمتي وتندمج معاها وتضحك
يعني أنا مب ناقصني شي الحمدلله ، بنت عمتي تجاملها اساساً وانا أدري بهالشي
والمشكله انه هي بعد تعرف ومكمله وياها
ما تاخذ الكلام من عندي، مادري ليش!
تمت الموافقة
الكلمة الطيبة صـــــــدقة
ماعليه حبيبتي مردها لج انتي اختها وعونها ف هالدنيا مش بنت عمتج بس دايما الشخص بطبيعته ينجذب للانسان اللي يوافقه ع الصح والغلط مش لي ينبهه ع اغلاطه
طبعا انتي اسلوبج الصح المجامله عمرها ماكانت صح .. تحمليها تراها اختج ومتى ما رفعت حسها نبهيها مره وعشر لين ما يتغير طبعها
بعدين في نقطه لازم تكونيين لج صديقات فديتج مايصير اتمين منعزله ف هالزمن الصداقه صعبه بس ضروريه عشان تتسلين وما يكون عندج اوقات فراغ تخليج تفكرين ب الغلط
الله يحفظكن لبعض 💗
المشاركة الأصلية كتبت بواسطة ام نهييان 
طبعا انتي اسلوبج الصح المجامله عمرها ماكانت صح .. تحمليها تراها اختج ومتى ما رفعت حسها نبهيها مره وعشر لين ما يتغير طبعها
بعدين في نقطه لازم تكونيين لج صديقات فديتج مايصير اتمين منعزله ف هالزمن الصداقه صعبه بس ضروريه عشان تتسلين وما يكون عندج اوقات فراغ تخليج تفكرين ب الغلط
الله يحفظكن لبعض ��
مع الاخت أم انهيان .
بس بضيف نقطة مهمة , يمكن أنت اسلوبج مع أختج يكون شوي جاف , او يمكن انت تهاجميها في الكلام ولو كان بهدوء , يعني لو بس ركزتي على الناحية السلبية والأخطاء اللي تسويها او اللي تقولها او الأخطاء في تفكيرها , أكيد بتنفر منج , دايماً مهما كان اللي تقوله خطأ او سلبي او غير منطقي أبدأي بالكلام عن الناحية الاجابية أو عن حسن نيتها وأنج عارفة انه قصدها خير …وبعدها تذكري النقاط السلبية , ومرات ما تحتاجي تذكريها بمجرد انج ما تقعدي تسأليها بشكل معمق هي نفسها بتذكر الشي السلبي . ولو كان موضوعها اجابي شجعيها وأمدحيها . جربي اختي هذه الطريقة اللي أتمنى أكون قدرت أوضحها لج.
جوابي لج حيكون مختلف .
لا توقفي حياتك على شخصية وحدة بس كوني صدقات مع الاهل اشتركي بمركز كملي دراسة اشتغلي حتستمتعي اكيد .
انتي اللحين صرت بس معاها ودققي على كل حركاتها عاملتني كذا سوت كذا ليش مع بنت عمتي .
هي صغيرة بالعمر توها تكتشف العالم مع الايام حتكبر وشخصيتها حتختلف
العصبية والصراخ على الاغلب يكون بسبب حزن وزعل وغضب داخلي فهي طلعه كذا .
اشغلي وقتك خلي عندك عالمك الخاص عيشي حياتك كوني صدقات
حيكون عندك مواضيع جديدة تتكلمي مع اختك عنها حلوا التغير
جربي صارحيها بشكل مختلف انه يجرحك اسلوبها
ولازم تحترمك وتحط حقك مكانة
عادي هاي اختي هههههههه
هذا طبعها شو بتسوين
يوم عرست فكيت راسي من صدعتها ولما ربيت وصار عندي ولدي قامت تحترمني
هذي الدنيا مب كل شي بيعيبج وبيكون على هواج
وقولي الحمدلله انه مافيها صفات أسوأ أو ترتكب محرمات وغيره
اذا اللى عايشين في بيت واحد ماتحملوا بعض ما بتمشي الحياة
الزوجة تتحمل زوجها وتخدمه والزوج يتحمل انشغال الزوجة ب العيال
الأخو يتحمل خواته والأخت تتحمل أختها
هي الحياة بالطريقة وانتي ادعيلها وطرشي لها كيف تتصرف وقت الغضب
و عطيه من الكلام الطيب اللى يغير في نفسها
قوليلها انتي كل شي فيج حلووو إلا هالعادة لو تودرينها مافي مثلج
بالتوفيق