السلام عليكم و رحمة الله و بركاته
الغاليات… بغيت حد يساعدني… نحن الصراحة مجموعة من المدرسات في العين… كانت المدرسة موفرة صف مع حمام.. و سوته حضانة حق عيالنا…
و كانت المسؤولة عنها مربية مصرية قمة في الذوق… و المعاملة الطيبة لبيبياتنا… و للأسف سافرت السنة…
و نحن الصراحة محتاجين… مربية… بس تكون إنسانة ثقة… تحب اليهال… و طويلة بال عليهم…
للعلم… المدرسات اللي عندنا في منهن اللي تيب بشكارتها… ويا الياهل… يعني ممكن البشكارة تساعدها بعد.. عسب ما يكون وايد ضغط عليها… و الدوام راح يكون من 7:30 الصبح لين الساعة 2 الظهر إن شاء الله…
دخليكن.. اللي تعرف وحدة فيها هالمواصفات… و عندها استعداد أنها تتقدم لهالشغلة…
تراسلني على الخاص… و يزاها الله كل خير…
بالنسبة لأجر المربية إن شا الله أنه بيكون مبلغ حلو…
و الله يوفقها و يرزقها.. باللي في خاطرها إن شا الله اللي تســـــــــــــــاعدني…
ان شاءالله البنات بيفيدونج حبوبة
يا ريت تحصلينلج مواطنة الغلا
أشكرج على مرورج الغالية… و إن شا الله حد يقدر يساعدني..
في وحدة كانت منزلة موضوع فيه وحده مصرية في العين تشتغل مربية للاطفال بدوره و بحط لج الرابط
اختي هذا الرابط
http://www.uaewomen.net/showthread.php?t=110267
االسلام عليكم و رحمة الله و بركاته..
أأختي وجة القمر.. أختي أنا أعرف حرمة أرملة و تربي بنات يتامى ومن فتره تدور شغل مشرفه و لا مربيه و لو فراشة في مدارس العين.
الصراحة الحرمة طيبه و محتاجه و عفيفه عن السؤال.. و سألتها فقالتلي هي أشتغلت مربيه (ماسكة عيال جيرانها)
أنا ودي أكسب فيها الأجر.. و أن شاءالله ربي يرزقها و يرزق بناتها اليتامى و المسلمين من فضله خصوصا في هذي الأيام المبروكة 
اهلا اختي انا اعرف وحده عمانيه حرمه كبيره عنده استعداد تشتغل هالشغله هي ولا وحده من بناتها ومسكينه اللي تعطونها اياه ما بتتشرط اذا تبينها طرشيلي عالخاص بطرش لج رقمها