السلام عليكم خواتي
عندي ربيعتي الله يسلمكم تعاني من مشكله صدق صدق محرجه مسكينه هي صارحتني لانها خلاص تعبت المشكله هي ريحه ثمها
والله يابنات الحرمه مزوجه وعندها اعيال اتقول اتفشل يوم ارقد مع ريلي وكمن مره عاطنها في الويه اتقول مانفع وياها لا علاج سارت عند دكتور اسنان ولا 50 مره واتسوي تنظيف ومحافظه على نظافه ثمها تستخدم الخيط والفرشاه وكل شي وبعد مفادها الدكنور يقول لها اسنانج مافيها شي
وحتى ربيعاتها في المعهد يتحاشون يرمسون وياها وعاد اتقول في رمضان المشكله يوم اداوم اتزيد الريحه اتقول خلاص ابا اظهر من المعهد والسبه هالريحه
وصدق يابنات انا موقصدي احش فيها بس صدق يوم اقرب منها ماروم الله يعينها الصراحه الله يخليكم ساعدوها باي شي او اي حل
وادعولها وان شاء الله بخبرها عن اي حل تحطونه لانها رمستني بالسالفه وهي ماتدري اني حطيت الموضوع
حبيتي خليها تروح عند دكتور باطنيه يمكن المشكله من المعدة على حسب ما سمعت او تكون من اللوز
خليها دايما تاخذ معاها حلوة بنكهة النعناع و هالسوالف عسب تخفف الريحه
المشكله مثل ما قالت الاخت ان فبطنها مب فأسنانها
الله يعينها
بصراحه ماعندي فكره
بس خليها تشتري حلاوة اكسترا اللي بالنعناع و تخليه في شنطتها بعد اممم طبعا هذا حل مؤقت مب دااائم
فديتها والله عورتي قلبي عليها بس للاسف ماعندي حل 
بسأل و بدور في النت و برد عليج
يمكن المشكلة مثل ماقالت (نانو )
إنها من اللوز او المعدة ..
بس نصيحتي لها ..
خلها تاكل لبان على طول .. ويكون قوي .. بالنعاع مثلا ..
وعلى طول تخلي عندها في البيت بقدونس .. اونعناع تاكلهـ ..
تتمضمض بالمضمضة المخصصة للفم ..
وفيه اسبريهـ خلها تخليهـ في الشنطة او تحت المخدة ..
وعلى طول خلها تشرب ماي .. عشان ترطب الفم ..
ربـــــــــــي يعـــــــافيها يــــــارب ..
قبل لاتنام تاخذ حبة ثوم وتصرطها مع الماي
كل يوم
والله يابنات تنظف المعده من كل شي وراح اتخف الريحه انا كنت سامعه هالكلام من عند دكتور من زمان صدق صدق تخفف الريحه وتنظف البطن