مشكلتي مع اخوي الصغير و الرسوب

ما ادري وين تفكيرهم هالاولاد هالاياام

يمكن هالنوع من المكافات يشجعه ، قوليله شوف فلان تخرج واشتغل ويستلم فلوس وايد

قولي له هم مب احسن عنك ، بالعكس انت احسن عنهم بوايد اشياء وانا عارفه ان انت عندك امكانيات وعندك قدرات وانا عارفه انك تفهم وتستوعب ، رمسيه بحنان ..

وقولي له خلاص انسى اللي مضى وابدى صفحة يديدة وعزيمة وارادة يديدة ، اباك باجر لما تكبر تصير مهندس ..
لما بيذاكر روحه بدون مدرسين ايلسي وياه سمعي له ..

وقولي له عن كل امتحان تييب فيه درجات عاليه بعطيك 100 درهم مثلا ..
بس مب تعودينه دايم تعطيه فلوس عقب بيتعود انه ما يبنجح الا ان شاف الفلوس عنده مرة فلوس ، مرة طلعة يعني كل مرة غيروا ، وحملوه المسؤولية في البيت ، دق جرس البيت قولي له يالله قوم انت الريال شوف منو عند الباب
حسسوه بالمسؤولية ..

ولما بيبدأ يتحسن ابدي خففي عنه الفلوس والجوائز اللي تعطيها له ..

دايم حسسوه انه لما بينجح ، ينجح لعمره مب لحد ثاني ..

اختي اول شي عاقبوا بتقولين كيف ..؟

بقولج احرموه من اشياء يحبها او مثلا يبا شي لاتاخذونه له على طول

قولوله لونجحت بنييب لك الشي الفلاني

يمكن تكونون انتوا موفرين له كل شي فيقول حتى لو رسبت عادي بييب لي الشي الفلاني