السلام عليكم
مشكلتي ماعرف كيف اغسل الملابس…عندي غساله اتوماتيك LG… غسلت ملابس الصغاريه ويوم طلعتهم القطع البيضه استوت ورديه اهئ اهئ…مع ان الملابس قبل كانت مغسوله وملبوسه يعني مب يديده عشان يطلع لونها ..ونا اول مره استخدم هالنوع من الغسالات قبل كنت استخدم العاديه ..
وبعدين للغسيل مكتوب استخدام الماي الحار او البارد انا استخدمت البارد..؟؟
اسمحولي ترا ماعرف وايد فالغسيل وما عندي خبره ..
…….متى احط كومفورت..
……..وكيف بعض البقع مثل بقع العصير والشاي اشيلها لاني يوم طلعت الملابس بعضها ما زالت فيها بقع ..
والسموحه ترا مالي غيركم
انا بعد شراااااااااااااتج
يوم تبين تغسلين الثياب لازم تفصلين بين الالوان و تبدئين تغسلين 1-اللون الابيض و تشيلينه و تحطين 2- الالوان الفاتحه
و تشيلينهم و تحطين 3- الالوان الغامق 4- و اخر شي اللون الاسود …و لازم تخلينه يشتغل فترة يعني لكل لون تقريبا 10 دقايق
و بعدين تغيرين الماي و تحطين كمفورت او شوية ديتول و تسوين نفس الشي…………هاي اللي عندي و ان شاء الله البنات بيفيدونج
المشاركة الأصلية كتبت بواسطة حلى الروح 
و تشيلينهم و تحطين 3- الالوان الغامق 4- و اخر شي اللون الاسود …و لازم تخلينه يشتغل فترة يعني لكل لون تقريبا 10 دقايق
و بعدين تغيرين الماي و تحطين كمفورت او شوية ديتول و تسوين نفس الشي…………هاي اللي عندي و ان شاء الله البنات بيفيدونج
اتصدقين يمكن عشان خذت وقت اطول ساعه الا ربع غسلت ونشفت اتوماتيكي..وكيف اغير الماي هالغساله روحها اتنشف ..او قصدق اغسل مرتين المره الثانيه ويا الكومفورت؟؟؟
الغاليه على حسب غسالتج !!!!!! شو اسمها !!! اذا تقدرين عطيني موديلها
مثلن غسالتي كل شي تحطينه مع بعض مثلن الصابون فمكانه والكومفورت مكان .. انتي بس تختارين نوع الغسيل وكمية الماي
اريل وبس
اعزلى الملابس عن بعض يعنى البيضاء اغسليها بروحها والملونه اروحها
واستخدمى المبيض الخاص الملابس الملونه ….واااااايد زين انا مجربته يزيل البقع بس لالازم تخليه ع الملابس 10 دقايق وبعدين تغسلين عادي