السلام عليكم
اولا نحنا لسنا مواطنين لكن عايشين هني من 50 سنة تقريبا
انا فتاة في نهاية فالعشرينات ولدت ضمن 8 بنات لنا اخ واحد اضطر يسافر البلد لانه ما يشتغل ولا يدرس
ومعضمنا بعد مايشتغل ولا وحدة فينا معرسة وبعضنا وصل الاربعينات كل الي يتقدمون لنا يا شياب يا متزوجين 3 يا يبون يلعبون ،حياتنا صارت كئيبة محد صار يضحك او يسولف الكل صار يتشمت فينا لاننا لم نتزوج مادري شو اسوي نحنا نطلع ونروح اعراس لكن مافي فايدة يمكن لاننا لا نشتغل لكن ماحصلنا وظايف مهما دورنا، اعرف ان الامر مش بيدي لكن صار اكبر همي ماعرف شو اسوي؟
تمت الموافقة
الكلمة الطيبة صــــــدقة
الله يرزقكم انشالله
الحل انج تلتجئي لرب العالمين
وتحافظين على صلاتج
وتدعي بكل صلاتج ان يرزقج انتي وخواتج بالزوج الصالح
واكثري واكثري من الدعاء
واعطي صدقات بنية الزواج
وحاولي انج تشغلين سورة البقرة في بيتكم وقت المغرب
وان شاء الله يجيج نصيبج باسرع وقت
ويفرح قلبج انتي واخواتج
اواخر العشرينات وعانس؟ حبيبتي فيه بنات يعرسن بعمر 35 وفوق
كله نصيب وحق شو الاكتئاب ؟ بالعكس عيشي حياتج الزواج مب نهايه الدنيا
فيه وايد اماكن يطلبون بارت تايم او مكان تطوع ويوم تثبتين جدارتج يثبتونج
قدمي على شركات التوظيف بحصلون لج وظيفه حتى لو براتب بسيط خذي خبره وان شاءالله تتيسر اموركم يارب
نصيب ورزق من الله
ليش الاكتئاب ونهاية العالم مرتبطة بالزواج؟
اسعي في حياتج لذاتج،،
فكري في سعادتج ولا تربطينها بشخص أو وظيفة أو غيره!
وربج بييسرلج مخرج من حيث لا تحتسبين،،
.
.
خلي إيمانج قوي
خذو المعرس ما يضر شي احسن من لا شي ع الاقل تصكين حلوج الناس ومنه يمكن يتغير حالكم وترتاحون ترا مب شرط المعرس يكون مب زين ولا تفكرين وتقولين بتخربين بيت حد في نفس حالتكم انتو مضطرين الحرمه تحتاج سند وهذا حلال وتوكلو على الله