السلام عليكم ورحمه الله وبركاته
شحالكم امهات وشخباركم
امهات انا الصراحه اعاني من عيالي الحين بيكملون 9 شهور ولا يشربون ماي ماعرف شو اسوي حاولت معاهم بالمرضاعه وبالفنيال حتى بغطات دبه الماي ما يطيعون يذوقونه
الغلطه غلطتي لاني مشيت على كلام الدكاتره ولا شربتهم ماي اونه لين يكملون 6 شهور والحين دايما اجرب بس تعبت ماشي فايده
نصحوني كيف اعلمهم يشربون ماي؟
الله يعينج للرفع
لا تيأسين و بالاخير بيشربونه خلج قويه
مي تو ولدي أنا ماعطيته لين 4 شهور على كلام الدكاتره ولين يومج
10 شهور بالغصب أشربه مايطيع يشرب اعطيه الماي بإبرة الدوا شوي شوي
وإذا اعطيه يشربه روحه مايشربه..
وقررت ولدي الثاني مااسمع كلام الدكاتره مايفهمون واعطيه من البدايه..
غلط ماتعطون عيالكم ماى اختى يوم كانت عايشه ببريطانيا قالولها من ينولد الطفل لازم ياخذ ماى بعد كل رضعه عشان يمشى بطنه ومايسببله امساك وعن الاكل اهنى يقولولنا لازم نعطى البيبى اكل من 6 شهور اما فى بريطانيا لا من 4 شهور حتى فاررليز وسيريلاك وكاو قيت وايد انواع عدهم كله تبتدى من 4 شهور ونحن عدنا نفس بضاعتهم لكن مكتوب عدنا من 6 شهور
عندي ولد وبعد نفس الحالة كنت اعاني وياه فالبداية ما يطيع يشرب ماي ، بس عقب نصحتني ربيعتيه ان المفروض نشربهم من البداية ، خلج من كلام الدكاترة
ان شاء الله البيبي الياي بطبق وياه النصيحة من اول يوم بشربه ماي ههههههه
عزيزتي
بالنسبه للأم إلي ترضع في نسبة ماي سبحان الله في الحليب يوم يرضع الطفل
أول ما يطلع حليب لونه فاتح وايد وهذا فيه نسبة الماي عاليه ,, وعقب ينزل الحليب قليل الدسم وبعدها حليب كامل الدسم .
فاطبيعي الدكتوره تقولج لا تعطينه ماي لان الطفل يوم يرضع ياخذ كل شي من حليب أمه وبما فيه الماي عزيزتي .
بس من يكمل الست شهور وتبتدين تطعمينه أعطيه شويه ماي يعني قطرتين بالخاشوقه الصغيره .. وبعدها زيديله الماي شوي شوي هب مره وحده الغاليه .