السلام عليكم
شحالكم خواتي
حبيت اكتب لكم عن مشكلتي لأول مره بقول بس عشان اشوف حد مثل مشكلتي
أنا مشكلتي عمري 37 وتزوجت من أربع سنين وعشر شهور. وما شاء الله أول ما تزوجت حملت بعد شهرين ويبت ولد الله يحفظه لي وبعد الولاده بأربع شهور خذت حبوب منع الحمل الصغيره حق الرضاعه .لين سنه ونص ووقفت الحبوب . وكنت أفكر أحمل. تأخرت شهور وما حملت بعدين رحت المستشفى قالو عندي تكسيات شويه وفي أنبوب اليمين مسكر حاولوا مرتين يفتحون الأنبوب بالصبغه كم مرة حال لو قالو مسكر مايقدرون يفتحونه والدوره مب منتظمة ابدا كل شهرين أو شهر ونص ومرتين تكرر ثلاث اشهر تتأخر من سنه ونص من وقفت حبوب منع الحمل إلى حق الرضاعه .
ولين الحين أحاول أحمل بس ما صار مع أن زوجي سليم وأنا الحمد لله هرموناتي ما عندي اي مشكلةحتى سويت عملية منظار رحمي وبطني لكي تكيسات بتوام
والحمد لله وزني مب وايد بس شوي تنصحوني انزل 5 كيلو بعد وأحاول انزلهم عشان اوصل للوزن المناسب . وكم خذيت كلوميد وأبر تنشيط لمده 8 شهور ومليت ووقفت هالعلاج من سنه وأكثر ورحت للي تمسح واستخدم أعشاب وعسل وحجامة من سنه وشوي ولين الحين مداومه ما خليت شي ما جربته من الأعشاب وحبوب رويال جيلي وحبوب اللقاح وغذاء الملكات والجلوكوفاج 1000 وفوليك أسيد وغيره من الأدوية ووووووو وسبحان الله . والله كريم
كل شي بيد رب العالمين
وكل الدكاتره في كل مستشفى رحت إلى في العين وابوظبي ما خليت مكان ماسرت لهم قالو لي سوى تلقيح صناعي ماشي غير هالكلام لا أتأخر لأن العمر يمر وهم حدهم يسون لين عمر 42 بس قالو لحقي على نفسج لا تضيعين وقتج وريلي مب موافق ولا يريد يقول كيف يبنا ولدنا وكله يلومني بسبب حبوب منع الحمل انجرح وايد من كلامه ويحسسني أنا السبب ويقولي بعرس لو ما حملتي و ياما دخلت ام زوجي هي حاولت تكلمه والله كريم .أقوله أحمد ربك غيرك يتمنى يشم ريحه يأهل. أنا نفسيتي مب مرتاحه بسبب ما يقعد يحشرني بكلامه ونظراته لمن تيني الدورة أقول كيف بتنتظم الدورة ونفسيتي تعبانه ومشاكل وياه بسبب هاللشي .حتى قلت له انسى الموضوع شوي وخل تهدأ نفسيتي وعشان الدورة أنا قريت إذا الدورة مب منظمة والنفسيه وإدراكه .ما يستوي حمل وكم مرة افهمه واطرش له مواضيع عشان بس يسكت شوي ويخلينا عاديين وهادين وترتاح من التفكير والتوتر. الله يهديه ويصلحه والحمد لله على كل حال
و عليكم السلام والرحمة
الله يرزقج اخ صالح لولدج و يقر عينكم به
اذا فاتحج زوجج بالموضوع قولي له: انا طبيعية مافيّ شي و قت ما الله بيرزقني بحمل بايي ماحد يمنعه
وانا مرتاحة عن الصدعة وخفاف لو حبينا نسافر و نتكشت اي مكان والمهم في الذرية البركة.. شو فايدة كثرتهم اذا ما طلعوا صالحين المهم البركة حتى لو واحد صالح بار أبرك من عشرة
هذا الكلام بتقولينه على لسانج واعرف اكيد مب من قلبج ولو انه الواقع
نزلي وزنج وامشي وايد وكثري شرب الماي وأكل الخضروات مثل الخس والخيار والجرير
وفي نفس الوقت اهتمي بزينتج ولبسج و جسمج
يعني اسعي للحمل بدون ماتحسسين ريلج
ترى الحرمة لها دور كبير في التأثير على تفكير الريال
والكلوميد اكثر من ثلاثة شهور غلط
بس اللي صار صار
اهتمي في نفسج كأنج انتي اللي ماتبين الحمل
بس في نفس الوقت اسعي للحمل بدون ماتحسسينه
بالنسبة للإنسداد عندج بس واحد وقولي الحمدلله الثاني مفتوح
الرياضة و نزول الوزن وكثرة شرب الماي وايد تساعد بالنسبة لموضوع التكيسات
وكله في النهاية بيد الله (ادعوني استجب لكم) والاستغفار
نصيحتي لج اختي اذا بتتبعين النظام الي بقولج عنه وربي بيرزقج قريب ان شاء الله
اولا امشي كل يوم او تحركي فالبيت مب لازم تجهدين عمرج
٢. اتركي كل الادويه وخلج على الفوليك اسيد فقططط
٣. اشربي الخلطه الي بكتب لج وصفتها بس قبل لازم تتتكدين انج مب حااامل..
٤. لاتفكرين فالحمل او تجاهلي الحمل
الخلطه عباره عن كوب حليب طازج مغلي بعدها ضيفي للكوب بعد الغلي ( حبه السوده. حبة الحمره او الرشاد. ينسون. سنوت. حلبه. زنجبيل بودره. كل المكونات تكون مطحونه (. وللتحليه قليل من السكر. وتتركين مغطى لين يدفى شوي وتشربين كل الي فالكوب واهم شي الترسبات الي ف قاع الكوب. مرتين كل يوم وراح تشوفين الفرق وتدعين لي
المشاركة الأصلية كتبت بواسطة الوردة الجورية 
الله يرزقج اخ صالح لولدج و يقر عينكم به
اذا فاتحج زوجج بالموضوع قولي له: انا طبيعية مافيّ شي و قت ما الله بيرزقني بحمل بايي ماحد يمنعه
وانا مرتاحة عن الصدعة وخفاف لو حبينا نسافر و نتكشت اي مكان والمهم في الذرية البركة.. شو فايدة كثرتهم اذا ما طلعوا صالحين المهم البركة حتى لو واحد صالح بار أبرك من عشرة
هذا الكلام بتقولينه على لسانج واعرف اكيد مب من قلبج ولو انه الواقع
نزلي وزنج وامشي وايد وكثري شرب الماي وأكل الخضروات مثل الخس والخيار والجرير
وفي نفس الوقت اهتمي بزينتج ولبسج و جسمج
يعني اسعي للحمل بدون ماتحسسين ريلج
ترى الحرمة لها دور كبير في التأثير على تفكير الريال
والكلوميد اكثر من ثلاثة شهور غلط
بس اللي صار صار
اهتمي في نفسج كأنج انتي اللي ماتبين الحمل
بس في نفس الوقت اسعي للحمل بدون ماتحسسينه
مشكورة الغالية والله يسمع منج اللهم آمين
والله دوم اقوله وانصحه وافهمه المشكله لانه ينقهر لمن يسمع ربعه كل سنه حريمهم ربن ويابن عيال يقعد يقولي شوفي حرمته يابت ورا بعض ووو بس يشوف ربعه ويقعد يقهرني ويجرحني اقوله قول الحمد لله عندك طفل معافى ما شاء الله ويكفيني واحد وراضية والله وربي يحفظه لي من كل شر وسوء يارب ..
اقوله كل شي بايد رب العالمين مب بادنا وفي ممكن علاج نجرب التلقيح الصناعي
واحاول اقنعه وان شاء الله يقتنع وعمتي ام زوجي حاولت وخواته يكلمونه وان شاء الله يقتنع مع الايام
والله امشي وشغل البيت علي ما شاء الله الحمد لله ما عندي خدامه من تزوجت وانا اعتمد على نفسي وساعات لو مرضت بس اييب خدامه بالساعات
بالعكس امشي كل يوم في الحاره يا مع نفسي او جيراني ولين الحين وعندي اجهزة رياضة اسوي في البيت بعد الحمد لله مب مقصرة والماي اشرب ما شاء الله وايد بالعكس اكثر شي احب اشربه الماي الدافي ما احب البارد ابدا دوم اشرب ماي عادي مب بارد
الله كريم كل شي خيره الحمد لله راضية بكل شي
مشكورة فديتج ما قصرتي
المشاركة الأصلية كتبت بواسطة الوردة الجورية الرياضة و نزول الوزن وكثرة شرب الماي وايد تساعد بالنسبة لموضوع التكيسات
وكله في النهاية بيد الله (ادعوني استجب لكم) والاستغفار
الحمد لله اقول دوم الحمد لله على كل حال مب مضايقة من هالشي ابدا الموضوع يخص عده اسباب وعقدوني هالدكاتره من عمري حسسوني عمري فوق الخمسين والله اعرف حريم اكبر عني وامتن عني دبل دبل وييبن كل سنه ما شاء الله ما يخص بس هالاشيا الي يقولوها الدكاتره لاني اشوف بعيني وكل شي باييد رب العالمين مب الانسان
والرياضة مب مقصرة والمشي
والنعم بالله والاستغفار احمد لله دوم لساني بذكر الله والله يثبتنا على الهداية والايمان
ومشكورة الغالية ما قصرتي
المشاركة الأصلية كتبت بواسطة مس.مريوم اولا امشي كل يوم او تحركي فالبيت مب لازم تجهدين عمرج
٢. اتركي كل الادويه وخلج على الفوليك اسيد فقططط
٣. اشربي الخلطه الي بكتب لج وصفتها بس قبل لازم تتتكدين انج مب حااامل..
٤. لاتفكرين فالحمل او تجاهلي الحمل
الخلطه عباره عن كوب حليب طازج مغلي بعدها ضيفي للكوب بعد الغلي ( حبه السوده. حبة الحمره او الرشاد. ينسون. سنوت. حلبه. زنجبيل بودره. كل المكونات تكون مطحونه (. وللتحليه قليل من السكر. وتتركين مغطى لين يدفى شوي وتشربين كل الي فالكوب واهم شي الترسبات الي ف قاع الكوب. مرتين كل يوم وراح تشوفين الفرق وتدعين لي
الحمد لله مب مقصرة بالمشي وشغل البيت
كل شي باييد رب العالمين والله كريم
الخلطة اخذ نفسها بالضبط بس بدون حليب اسوي بالماي الحار واخليه لين يبرد او لين كم ساعات وبعدين اشربها
مشكورة ما قصرتي
كنت ابا اشوف حد مثل عمري ونفس مشكلتي وشو صار وياهن اذا سو تلقيح صناعي