مشكلة اربيعتي خبراتكم يالمتزوجات

ريل اربيعتي مب مقصر عليها بفلوس ولا شئ بس المشكله..هيه متزوجه من سنتين وتوها حامل وريلها وايد متغير عليها كله ياربعه وفالقهوه..والمشكله ريلها يداوم بعيد عنها ويبقى فالسكن ويرجع اخر الاسبوع..عشان جي هيه تحس انه عشان طول الاسبوع بعيد عنها تعود تكون هيه بعيده عنه..ولما تناقشه يضايق..فاللي مت بنفس التجربه كيف خلت ريلها قريب منها وكيف تفهمه انه كل شئ وقته لها وقتها ولربعه وقتهم..

حليلها الله يعينها ردوا يالمعرسات حرام

مرات الرياييل ما يستحملون يلسة البيت هذا مب معناه انه مقصر وياها خليها هي تسوي جو وياه وتحببه بالبيت وتحاول والله يهديه

هلا فديتج بس ابا الفت انتباه ربيعتج ان الرياييل يختلفون في الاطباع بس من خبرتي في الزواج 10 سنوات ان بعد مرور وقت على الزواج لازم الوحدة منا تحس ريلها متغير عليها وبدون ما يكون قاصد لان يصير الزواج حياتة الروتينية ويقل الاهتمام بالحرمة شوي بس اعتقد ان الحمل يمكن ماثر على مزاجها بالتالي باعد الزوج عنها ولازم تصبر وتحاول تحتوي زوجها بالكلمة الحلوه وشطارة حواء ودايما تحسسه بشوقها له وان ما فاد تصبر لما تربي لان الياهل بيغير جو البيت عليهم والله يسهل امورها

الغالية يمكن والله العالم انه جو البيت ما يناسبه ومش مرتاح له ؟؟ يمكن هي كثيرة الحنة والرنة مثل ما يقولون ويمكن ويمكن
ومن ناحية ثانية يمكن هو مش من النوع الي يحب يظل في البيت ومتعود على اصدقائه

الله يوفقهم يا رب

حليله مخنوق من دوامه وبتحرمونه الطلعه

وهي حرمته وام عياله ان شاءالله

انا قاعدتي ان الريال لو تمت حرمته تحن عليه وتحشره وتباه يتم وياها بيطفر وما بيتم فالبيت…بس لو جربت انها تسكت عنه وتخليه عراحته…يعني اذا قال لها بظهر تقوله الله وياك حبيبي بس لا تتاخر حياتي بتوله عليك واااايد….وهو ويا ربعه تدزله مسجات حب وغزل..بهالاسلوب بتجذبه حقها…مب بالحنة والحشرة….ومع الايام والمعاملة الحلوة بيرد لها لان مرده لبيته