كيف الحال جميعًا ؟
في البداية أحب أشكر الجميع على كل شي يقدمونه في هالمنتدى من معلومات وخبرات وأشياء مفيدة
خواتي عندي استفسار بخصوص مشروع ناوية أبدأ فيه
وهو الطباعة الحرارية .. وأبي أطبع على أغلفة التلفونات ..
بعد البحث لقيت جهاز روعة اسمه 3d sublimation vacuum machine
( يطبع على الأغلفة والأكواب والتي شيرتات وغيرها … )
ومب عارفة كيف ألاقيه هني في الإمارات وخاصة ما عندي خبرة في الشراء من المواقع الصينية
وهي اللي تتوفر فيها مثل هذه الأجهزة بشكل كبير
ياريت تفيدوني بأي شي ممكن إنه يساعدني فإني أبدأ هالمشروع
لأني وايد حابة أشتغل عليه خاصة إني أصمم من زمان وأحب مثل هالشغل ..
شو رايكم في المشروع ككل ؟ وبشو تنصحوني .. أشتري الجهاز من أحد المواقع الصينية ؟
ولا أطلبه من السعودية ؟ المشكلة إنه سعره هناك أغلى بوايد .. يعني من 4000 للـ 9000 ويمكن أكثر
بس في المواقع الصينية أرخص ..
وبالنسبة للأغلفة وغيرها من المواد اللي أحتاجها من وين ممكن أشتريها ؟ =(
نفس الشي في المواقع الصينية كل شي موجود بس هني أحس نااادر جدًا وما أعرف حد ممكن أتواصل معاه
دورت في النت وايد وماشي فايدة
أنتظر آراءكم حبيباتي ^_^
هلا اختي المشروع حلو وفني
بس حتى من المواقع الصينيه مكلف اتصور الجهاز الواحد او ارخص جهاز بيكون مع الشحن بحدود الثلاثة الالاف اتصور اختي
لاني من فتره كنت ادور عن جهاز طباعه لربيعه تريد تفتح مشروع ولكن كان الاجمالي حوالي ثلاثة الالاف بس مع مصاريف الشحن!
ويمكن كان ارخص واحد
يمكن في اخوات عندهن خبره يفيدنك
اختي بحول موضوعج لقسم ساعدوني يمكن البنات يقدرون يساعدونج اكثر
المشاركة الأصلية كتبت بواسطة شعاع امل 
بس حتى من المواقع الصينيه مكلف اتصور الجهاز الواحد او ارخص جهاز بيكون مع الشحن بحدود الثلاثة الالاف اتصور اختي
لاني من فتره كنت ادور عن جهاز طباعه لربيعه تريد تفتح مشروع ولكن كان الاجمالي حوالي ثلاثة الالاف بس مع مصاريف الشحن!
ويمكن كان ارخص واحد
يمكن في اخوات عندهن خبره يفيدنك
آسفة وايد وايد بالغلط =(
دقيت أضف الرد السريع قبل ما أكتب ردي
—–
إختي شعاع أمل ..
أشكرج وايد ع ردج وتشجيعج ..
فديتج لو وصل 3000 أو أكثر شوي مب مشكلة
بس ما يوصل ال4000 لأني حابة أبدا بتكلفة قليلة خاصة إني أحتاج مع الجهاز أغراض معينة خاصة فبتزيد التكلفة
حصلته ب موقع علي اكسبرس بس رسوم الشحن يوصل لسعر الجهاز =(
إن شاء الله ألاقي حل ..
مشكورة يالغالية ^^ وربي يحفظج
إختي miss pink
اسمحيلي ع الخطأ .. بس لأني شفت موضوع مشابه شوية لموضوعي فتوقعت الحاسب والانترنت هو المكان المناسب
أشكرج ع الرد ..
الله يحفظج ^^
بانتظاركم خواتي الغاليات ..