السلام عليكم ورحمة الله وبركاته ..
خواتي أبغي استفسر عن مستشفى الرحبة حق الولادة .. اللي مجربة الولاده عندهم ياريت تفيدني وتطمني ..
اختي ولادتي الثانية كانت فيه..
وبصراحه جيد كان لابأس فيه.. شفته احسن عن النور القديم اللي ربيت فيه ببنتي الاولى
اتوكلي على الله صراحة المستشفيات الحكومية للولاده انا شفتها افضل
وادعيلي الله يتمم حملي على خير
انا ربيت فيه وكاااان رووعة والحمد لله
بس المشكلة ما حصلت لي غرفه لان زحمة
والخياطة كانت نظييييفة وما عانيت منها وماكانو يزعجوني طول الليل مثل باجي المستشفيات
مستشفى الرحبه رووعة للولادة و كل اللي اعرفهم يمدحونه و محد ذمه
ان شاء الله حد يفيدج حبوبة ^_^
للرفع
عن تجربه بعض المعارف الرحبه زينه للي ربوا طبيعي لان ما سوا شي زياده
لكن كل الي راحوا الرحبه وسوا عمليات حتى عقب العمليه صار لهم مشاكل ..
ووحده اعرفها قالولها فيج سكري حمل وتخيلي عطوها انسولين طبعا خربوا الدنيا
يوم حولوت عالكورنيش قالولها المفروض ما يعطونج انسولين مب لهدرجه …
انا انصح بالكورنيش الانها واخذه المركز الاول في التلوليد الطبيعي
ما يفكرون يسون عمليه الا اذا فعلاً المريض يحتاج يعني يحاولون معاج طرق الطبيعي كلها اول شي
طبعا الكورنيش تخصص ولاده فقط وهالميزه وايد اوكي بمعنى ان الاستف عندهم مب شويه يعرفون يتعاملون فعلاً مع الحامل
لكن الناس تروح الرحبه تستسهل الجرب وناس تروح النور والمستشفيات الخاصه يقولون لج غرفه بروحج واريح وجي
بعدين مواعيد الكورنيش صح زحمه لكن تقدرين تروحين مواعيد فرعهم الي بالكرامه انا دوم اخذ مواعيد الصبح ودوم مب زحمه
بس رحت الفرع الرئيسي يوم بطلت ملف وفي فحص السكر ..
انا اقول اطلع انا وولدي بخير احسن من هذا كله ..
وجهه نظري لان بيتي عدال الرحبه لكن ما افكر اربي فالرحبه
تحياتي لج
انا اخت ريلي تشتغل هناك مجرد اني سالتها قالت لي تحملي تفكرين تروحين هناك .
انا دوم الكرنيش .لان الرحبه ماعندهم خبره مثل الكرنيش اصلا لو صار شي ولاخافو من شي يحولونج الكورنيش ليش لان الخبره هناك ..
نصيحه روحي الكورنيش ..