مساعده لو امكن

اول السلام عليكم جميعا خوات عزيزات والله انا اول مره اكتب في المنتدى واريد كل وحده تعطيني حل حق وحده من ربيعاتي وهي اكثر من اخت المشكله ان زوجها يعرف وحده ويكلمها بالتيلفون ويعرف بيتها ويمكن يروح عندها بعد وهي تقول بعد ما عرفت فاتحته في الموضوع بس مانكر قال نعم اعرفها بس خلاص با نساها بس ساعديني المسكينه صدقته وتمت تسوي كل شي حلو له بس رد مثل اول والحين هي تاركتنه من شهرين ماتكلمه ولا تقعد معاه ولا حتى الاكل تاكل بروحه بس نفسيتها تعبانه للغايه تريد تطلق وتفتك بس هي عندها منه عيال 6 بس ماتخاف عليهم كلهم في سن حلو يقدرون يعتمدون على عمارهم هي تبغي النصيحه الي تخليها ما تحس بالحباط والقهر منه حتى قالت له اذا بتزوج بكيفك احسن من الخيانه قال انا احبج وخلاص سامحيني ما بسوي جذي بعدخايفه تسامحه وتر وير مثل اول والله فضيع هذا الريال سمحولي طولت اريد حل

امممممممممممممم

الله يعينا على خيانات الرياييل …

اول شيء تقوله تبا تردلي جدام اهليه ردني وقول الموضوع جدامهم انك خنتني وتباني ارد مابرد الا بهالطريقه عشان لو صار شيء مره ثانيه مايقول لاهلها او اهله العيب من بنتكم يكون العيب ياي منه

بس تنسى موضوع الطلاق مادام عنده ذرة رجوع وحب الها فقلبه وحرام 6 يتشتتون بين ام واب وحتى لو رياييل انشاءالله بالعكس الطفل كل مااكبر كل مافهم وتعلق فوالدينه اكثر من يوم هو صغير مايفطن شيء

مشكورات خواتي والله رد حلو منج اختي دنيا الوله وان شاء الله بقولها ردج والله يديمج اختي وين باجي الخوات

السلام عليكم ورحمة الله وبركاته

ام خالد

اول شي ما اقول غير تصبر وتصبر الصبر جميل ،،،، هذيلا عيالهــــــــــــا ما شاء الله 6 الله يحرسهم ويخليهم لها شو ذنبهـــــــــــم في ظل هالخيانات اخخخخخخخخخخخخ على الرياييل وحليلهـــــــم الحريم يكســــــــرن بقـــــــــلبي والله كم بنقـــــــــول لجل نساعد هالحـــــــريم ،، ضحـــــــايا نزوات الرياييل الي يعشـــــــــقون البنـــــــــات ؟؟؟
إن الله مع الصــــــــــابرين ،، فكــــــــــري بعيالج ،،، لا تتخــــــذين قرار في لحظات غضب لجل اتردين الأعتبــــــــــــار وبدافــــــــــــع كرامة ،،، عيــــــــــــالج شو ذنبهـــــــــم بمشاكلكم شو ايسون ؟؟
حرام ،، الطلاق ابغض الحلال عند الله ………..الخيانات موجودة بكثرة في بلادنا ،،، في من يتوب وفي الي تجري الخيانة مجــــــــــرى الدم في العروق . مالها علاج.. الله يهديه ويصلحه ويرد لج ،، كم من الحريم تشكى نفسج وكلهن اقولهن لا تخربون بيوتكم بيديكن لا ؟؟؟؟
ادعــــــــــــــــــــي له ،،، الله يغيير من حاله المـــــــــايل ويرد عن هالخرابيط ماظني هو مراهق ولا في ريعان الشباب لجل يغازل ويخون ،،، الله يعيينج …يوم ماشي دين عجب من الخراب بتشوفين ……………………الله يهديه ………

الله يسر امور ربيعتج
اختي الريايل اغلبيتهم من طبعهم او تقدرين تقولين يحبون يتفاخرون بخياناتهم ويبون يثبتون انهم مطلوبين ويا ما رياييل لعبوا واتزوجوا للمتعة بالنهاية لفوا ولفوا وردوا للزوجة الأولى
فالزوجة الاولى لازم ماتظهر جدامه عابسه مكشرة زعلانه ولاتيب فكرة الطلاق في بالها ولا على لسانها وتحافظ على بيتها وتساير ريلها تراه لو عرف مليون وحدة برع البيت ولقى ريج حلو من حرمته بيرجعلها ومستحيل يتركها وهاك الباجيات نزوة مثل سحابة صيف ومثل ماعرف الثانية يبتعرف على الثالثة والمليون بعد ويوم بيوصل عمر معين بيهد هالسوالف فخل ربيعتج تصبر وتحاول تاخذه وتسير وياه العمرة والحج اكثر عن مرة والله المستعان على الفتن الموجودة ساعات البنات هن الي يفتنن الرياييل ويحومن كما تحوم النحل حول الزهرة فزوجك كالزهرة ارويها بعطفك وذكائك وهذه الزهرة تسر كل الناظرين ولكن هل كل من نظر الى الزهرة يعرف كيف يرويها كمن اعتنى فيها من البداية طبعا لا