السلام عليكم يا اخواتي
بغيت عناونين كتب وقصص بالانجليزي حتى تساعدني اتطور وما انسى اللغة الي درستها 4 سنين
وين ممكن الاقيها بس ما تكون كتب تعليم اللغة الانجليزية تكون كتب مفيدة عن الحياة او اجتماعية او قصص
حياج الله أختي بنت حياة
وزين ماسويتي في أنج تنمين اللغة اللي درستيها بالقراءة 
لأنه هذا اللي فادني لين ألحين الحمدلله
عندي كتب وااااااااايد ولو كنتي في العين بوديلج اياهن
ممم بحاول أكتبلج اسماء المؤلفين والمؤلفات وبتحصلين وااايد منهن عند كارفور لأنه شوي أسعاره أرخص
برد للموضوع مرة ثانية مع الأسماءوالسموحة
Have Fun sis
إذا تبين .. ما عليج غير القصص و الروايات الإنجليزية الخيالية مثل ::
Tales from Earthsea
هذي القصة رووووعة و الكاتبة عندها روايات و سلسلات أخرى
و روايات أغاثا كريستي ..
و قصص خيالية أخرى .. مثل هاري بوتر .. و روايات عالمية .. كل إلي عليج تسوينه تسيرين المكتبة و تدورين هناك.
اولا شكرا اخواتي
مكمن اسامي الكتب اختي اسفة بتشرط انا ما احب قصص الخيالية