شخباركم خواتي عساكم بخير و سهالهـ ؟؟
اليوم حبيت اعرض عليكم صور مزرعه زرتها ربيعتي مره وفي خاطري ازورها او اجرها انا بعد من روعتها
طبعا هذه مب مبالغه .. .gif "12 (79)")
المزرعه في منطقه الذيد ..بس هي ع بدايه الذيد مب واايد بعيده يعني ..
المزرعه لتاجر ..يأجرها باليوم .. وفي الويكند من الخميس س 4 العصر الى السبت س 4 العصر ب3000 درهم بس !!
بصراحه هذا السعر خياااالي لهذا المكااان .. .gif "13 (51)")
طبعا المزرعه فيها مسبحين .. واحد منهم مسكر عشان الحريم ياخذون راحتهم .gif "12 (72)")
.. والثاني عادي مفتوح لليهال و الشباب ..
مممم ..
فيها بعد فيلتين .. وحده منهم مطبخ (أهم شي للحريم ) … 3 غرف نوم .. وصااله واااسعه مره
والفله الثانيه .. غرفه نوم .. مجلس شعبي .. مطبخ صغير .. و صاله ..
يعني المزرعه ممكن اتكفي لي 22 او 28شخص لانها واااسعه واايد ماشاء الله ..
ممممم.. المزرعه
فيها بعد حديقه و اليهال واايد استانسو عليها .. وممشي اونه للي يحبون الرياضه ..هههههه .gif "12 (83)")
فيها بعد منطقه للشوي ..وبليل يصير الجو وااايد حلو لان فيها حديقه نوافير وليتات حلوه ملونه .. ونااسه
واهم شي انا حبيته و ربيعتي اتخبله عليه … الاحصنه طبعا شي عااامل يساعد ع ركوبها اونه ربيعتي تتحرى مرها ياهل راكبه بوني هههه .. وشي غزلان و نعاام..
ممممممم
ماعرف شو اقول بعد فالاحسن اخليكم مع الصور لي تظلم المزرعه لان الصور ماطلعت كل شي مع الاسف..
المزرعة اتجنن رووعه
بس في اي امارة؟
خخخ .. السموحه
روعه بس ياليت لو كان فيها صور للفيلا
تسلمين اختي
روووووووووووعه بخبر اهلي وانشاءالله بنسير باقرب وقت الصراحه المكان واااااايد حلو ويستاهل
المشاركة الأصلية كتبت بواسطة ام بدر 
تسلمين اختي
ياريت اختى
بس هي الصور لي اقدر احطها .. لان مب لي انا الصور ..
السموحه
المشاركة الأصلية كتبت بواسطة ام اريامي ان شاء الله اتحصلون حجز .. و تستانسون هنااك بعد 