اشحالكم خواتي .. حبيت اشارككم هالسويت اللذيذ .. ( فالودة ) بس هالمره بعد في العلب الصغيرة..
المقادير..
1/4 كيس شعيرية ( نكسر الشعيرية )
شربت ورد
1/2 2 كوب حليب سائل
1/2 1 ملعقة كبيرة نشا
سكر
علبة قشطة
هيل + ماء ورد
فستق للتزيين
نبدأ انسخن الماي على النار الين ما يغلي وبعدين انضيف الشعيرية المكسره وانخليها لمدة تقريبا 5 دقايق .. وبعدين نشخلها ..
بعد مانشخل الشعيرية انضيف شربت الورد .. وانتي تتحكمين في اللون يعني اذا بغيتي ضيفي مقدار ملعقتين وحركي الشعيرية وشوفي اللون وممكن اتزيدين اذا بغيتي اللون اغمج ..
وعبي العلب بالشعيرية
نخلط الحليب والنشا في جدر الين مايذوب النشا وبعدين ضيفي الشكر والهيل وماء الورد حسب الرغبة وحطي الجدر على النار وحركي باستمرار الين ماايبدأ الخليط يغلي اشوي واتحسين ان القوام صار غليظ .. ارفعي الجدر عن النار وضيفي القشطة .. صبي الخليط على الشعيرية
زيني الحلو بالفستق وحطيه في الثلاجة الين الاستخداام .. وبالعاااااااااااافية
ودمتم سااااااااااااالمين ..
ماشاء الله
تسلم ايدج
ماشاء الله إمبين على الوصفه لذيييذه وتبرد ع القلب ^^.. بس بغيت توضيح " شـــربت ورد " تقصدين الورد المركز " ؟ العصير !..
رووووعة,,,اتذكرت السويت اللي كلته,,,نفس الووون بس مب شعيرية
المشاركة الأصلية كتبت بواسطة لوليانو 
اشكر مرووورج .. هيه اعتقد انه العصير .. ( شرااب الورد ) في غرشة نفس الفيمتو .. بس لونه افتح من الفيمتو ..
مشكووووره العاليه ع الوصفه ه
المشاركة الأصلية كتبت بواسطة نيلا تسلم ايدج
الله يسلمج .. تسلمين عالطلة ..