مركز المدار الطبي – العين

انا تعاملت مع المدار من سنه وكرهتهم

اول شي انتظام في المواعيد ما عندهم ..

اذكر مره دقوا علي وقالو ان عندج موعد الساعه 1 وربع ..

ونحن نبعد عن العين حوالي نص ساعه ..

قلت لها ماشي مجال اتاخرين الموعد نص ساعه .. لان الساعه 1 وقت صلاه والناس حزتها بعدها ما طلعت من المسيد

قالت لي لا لازم اتيين ان تاخرتي بنعطي غيرج الموعد ..

قلنا خلاص امرنا لله .. ما اذكر بصراحه صلى اخوي ولا لا بالمسيد ..

بس المهم رحنا لها بدري واخوي يسرع .. وكان الموعد لي ولاخواني الصغار ..

يوم وصلنا اونه الي قبلنا من شوي داخلين .. كانت الساعه 1 ونص

انا عصبت منها وقلت عيل كيف تقولين لنا لازم اتييون بدري والموعد بيروح علينا لو تاخرنا

ما اذكرها شو ردت علي .. بس اتعرفين اني ما دخلت على الدكتور الا الساعه 2 ونص ..

ومن يومهم وانا كارهتهم .. وكل موعد اروحه الا تاخير نص ساعه

وعقب ماسمعت منهم خبر طوول .. لااتصلو علي ولاشي ..

وانا طبيتهم لاني ماحبيت تعاملهم ..

بس عيال عمي الصغار مسوين عندهم واتقولي حرمه عمي .. ان اسنانهم من بعد التقويم رجعت مثل قبل

الطب السويدي دكتوره المانيه شاطره وتامنين تعطينها تشوف ضروسج هه+ ترتاحين حق المكان تحسين بنظافه هذا اهم شي عندي

بس الاسعار صراحه غاليه مادري اذا غيرو اسعارهم لاني من فتره ماسرت ^^

خذي الرقم من الاستعلاامات وسالي ..~