مين يعرف عن مركز الرعاية الاجتماعية في ابوظبي؟ اناةعندي مشكلة كبيرة مع اهلي ،مع اني مش صغيرة في السن هل ممكن يساعدنيالمركز ابني حياة مستقلة عن اهلي اللي عمرهم ما اهتموا فيني ولا لازم اعيش طول عمري معاهم رضيت ولاابيت؟ مع العلم اني مستقلة ماديا ومثقفة. اهلي عذبوني كالحيوان بدون سبب منذ ان كنت طفلة، والان احلم بالعيش بامان بعيدا عنهم. هل سيساعدني المركز في ذلك؟ الرجاء الرد من اصحاب الخبرة، عاجل.و شكرا
اتصلي بهم وشوفي ,,,واختي كيف اهلج من دمج ولحمج يعاملونج معاملة سيئة
عزيزتي انتي مضاربه ويا اهلج وزعلانه منهم .. اكيد حالتج النفسيه سيئه وتفكيرج يفكر بطريقه غلط …
لأنه تحت ضغط نفسي …. واللي يكون بهالحال يقول اشيا واشيا .. بس تهدى نفسه وتسكن ويرتاح باله .. يضحك على نفسه شو قال وشو فكر وكيف كان بيتصرف ..
اتعوذي من الشيطان وسمي بالرحمن .. وهذيل اهلج شئتي أم ابيتي على قولتج ..
عزيزتي محد مايتضايق من اهله محد ماتصير له مشاكل مع اهله .. لكن البيوت اسرار ..
الله يعينج غاليتي .. واصبري ووكلي امرج لربج وادعيه ليل ونهار بأنه يفرج همج ويرضى والديج عليج .. صدقيني رضا الوالدين من رضا رب العالمين .. لا تكونين عاقه للوالدين .. حرااااااااااااام حرااااااااااام
الله سبحانه وتعالى اوصي ببر الوالدين .. فلا تطلعين من حدود رب العالمين .. لأنج بتعيشين عيشه قاسيه وضنكا .. لأنها بتكون عقاب لج من رب العالمين ..
يوم بتضايقين .. لا تقولين شئ .. صلي لج ركعتين وانتي ساجده ادعي ربج بكل جوارحج وانتي خاشعه .. والله بيكون بعونج
وبعدين اقري المصحف وان شاء الله بإذن الله بترتاحين وبعدها بتروحين لأهلج وترضينهم وتسامحين منهم ..
البنت لها ولي امر .. وماتطلع من شوره .. وماتعيش روحها .. ليش ؟؟ تبين تتشبهين في الغرب ؟؟
انتي بأمرة اهلج .. ولا تعصين ربج بعقوق الوالدين ..
الله يهديج ان شاء الله ويصلح أمرج .. ويفرج كربتج ويبعد عنج كل هم وغم وحزن ..
ابتسمي الحياه حلوه ^______________^
موفقه الغاليه
اختي Elena_UAE
تفكيرج بالسكن بعيد عن هلج = هرووب من واقعج،،
وعمر الهرووب ما كان حل في يوم من الايام،،!!!
يمكن بتلقين الاستقرار المعيشي،، بس بيكون على حساب الاستقرار النفسي + العاطفي ،،
من غير نظرة المجتمع لج،،
البيوت اسرار،، وكل بيت له مشاكله،، صغرت ولا كبرت،،
ومعاملة هلج لج ما بتطلع من فرااغ،،
اكيد عندهم هموم يمكن اكبر من همج الحالي بالف مره،، وانعكست في معاملتهم لج
التمس لاخيك سبعين عذرا،،
والواحد ما يخلا من هله،، هم عزوته وقت الحايه،
افرضي حد يبا يخطبج.. شو بتسوين ساعتها..؟
وانتي مثل ما قلتي ماشاء الله مستقره ماديا ومثقفه،،
ليش ماتسوين انجاز فريد من نوعه في حياتج..؟!!
يكون لج السبق فيه بين هلج،،
وفي نفس الوقت ما تطلعين فيه عن شورهم،،
+ تشغلين وقتج به عن التفكير بالمشاكل،،
يعني مثلا،، تسوين بزنس او تكملين ماجستير او دكتوراه،،
واكيد بتاهلج لوظيفة بمستوى الشهاده،،
هالزمن ((مركزك الوظيفي يفرض احترام الناس لك))،،
فديتج فكري بالموضوع عدل،،
واتحملي واصبري عسب تكسبين هلج وما تخسرينهم العمر كله،،
وما يمنع انج تتصلين بالمركز وتاخذين استشارة،،
وخذي بوصايا الاخت خفايا رووحي ،، ماقصرت ياحافظ عليها،،
ربي يفرج همج ويوفقج في حياتج ويسعدج،،
هالله هالله في عمرج،،
اتمنى اسمع عنج الاخبار الطيبه،،
دمتي بود،،
تحياتي،،اختج
ورد جـــــوري
الله كريييييييييييم