السلام عليكم ورحمه الله وبركاته …
مساكم خير ونور وسرور …
للأسف خواتــي في بعض الناس ما تقدر العشرة والملح والعيش وع الاقل يحترمون الماضي بكل مواقفه الحلوة والمره …
كانت لي صديقه دراسه والله الشاهد ماقصرت في حقها ابدأ ..وما احب اذكر شو سويت لها مب عشان خاطرها او عشان شي …
لاني شخصيا وايد وفيه الوفاء والاخلاص فيني من زمان لدرجه اني ما احب اي شخص يستغل هل الصفات فيني لغرض معين ..استحقر نفسي اسفه على هل الكلمه لكن احس مالي جيييمه يوم اكتشف انه هذا الشخص استغلني فتره وفقط لا غير …
المهم ما ابا اذكر اي تفاصيل ثانيه …
هل الانسانه وصلتني منها رمسه مرتين من ربيعاتي الثانيات …اني انا يوم حد يحتاج مساعده مني "في الشغل " وانا مدرسه ..اني انا ما اطرش شي ولا اساعد …ونحن في مدارس مختلفه وانا لي اكثر من سنه اشتغل ع مادتي وكل شي سويته من تعبي وبحثي ..وما اقصر في حق حد والشاهد عليه رب العالمين ..لدرجه انه يطلبوني بالاسم عشان بس اقدم درس جدام المعلمات اليداد ..
اخر شي وبكل بساطه تسير تلمح وتقول لربيعاتي اني ما اساعد ؟؟؟!!!! كل ربيعاتي قالو لي هي تقصد انه انا المفروض اطرش لها كل شغلي وتعبي !!!! عفوا ..لكن هل الشي مب منطقي ..اذا هي عندها مشاكل مع طاقم التدريس عندهم هذي مشكلتها …لكن انا مرتاحه ماله اي داعي تدعي انه انا ما اسوي مشاركه وشيرنق ع قولتهم …
خواتي لدرجه في وحد تعرفني وتعرفها بس هل الانسانه معلمه قبلي بوايد تواصلت ويااه كانت تبا تسأل عن شي وفعلا رديت عليها وكان يوم جمعه مع ادري خميس وكانت اجازة وكنت في مكان مافي نت ..لكن شرحت لها وقلت لها انا شو اسوي وكل شي …اخر شي تسير صديقتي ساابقا تقول شحقه مس الامارات ما طرشت لفلانه شغلها ؟؟؟؟؟؟؟!!!!!!
طنشت اول مره …واليوم ثاني مره اسمع هل الكلام …
شو رايكم ؟؟؟!!!
تعرفون والله ماعندي وقت اعور قلبي وافكر او حتى اصيح عسب انسانه ماتوقعت تقول عني جذي …لاني واثقه من نفسي …
هل اتكلم اذا تكرر الموقف مره ثانيه ؟؟ انا ماابا افتح ع نفسي بااب وارمسها …لاني شخصيا مسالمه وما احب اعق رمسه < اسويها اذا كنت شاله بخاطري وفعلا اجرح بالكلام …
اب اب اب
اختي مااعرف بس مادمتي انتي في مدرسة وهي في مدرسة شو الرابط الي بينكم! اسفه بس مافهمت
وبخصوص انك تطرشين شغلك انا مب فاهمه الموضوع
يعني انتي تعطين محاضرات للمدرسات لانك مدرسة مميزة صح؟!
بس انتي ماراح تعطيهن منهج يعني !
او ماراح تعلميهن كيف يشرحن!
هذي المدرسة تقول انك مب مساعدتنها بشو يعني؟!
هن متعينات ليش؟!
هي وجهات نظر بس هي يمكن مب متمكنه عشان جي تقول عنك جي
بس فليش زعلانه
يعني هي تريد منك تعطينها ملفك بالكامل عشان تعطيه طالباتها !
وهي تشتغل على شو ؟!
حتى بقية المدرسات ممكن تساعديهن باسال وبافكار بس غلط توصل انك تعطيهن كل شي
كل واحد ومجهوده اختي
لو فتحنا اذنا لكل حاقد ومنتقد وواشي
كنا قلنا على الدنيا السلام
واختصار كلامي ان واثق الخطى يمشي ملكا
انا من رايي تكلمينها ولا تخلين هالشي فخاطرج
فهميها وجهه نظرج واذا حسيتي الكلام ضايع معاها
طنشي وسويلها اكبر طاااااااااااااف والحقران يقطع المصران
وانتي خلج واثقه من نفسج وما عليج من حد
طنشيها ولا تبالي من كلام حد أبدا طالما انك صح و على حق
انتي ليش امصدعة براسج ؟! خليها اتقول اللي بتقوله اسكتي عنها وطنشيها