مدرسه في دبي يهتمون بالدين و العربي و الانجليزي

خواتي بغيت مدرسه خاصه في دبي تهتم بالدين بالدرجه الاولى
عقب الانجليزي و العربي ..

ما يكون فيها موسيقى نهائيا ..و لا حتى في الاحتفالات ..

ما أدري يمكن طلبي صعب في هذا الايام ..

اتمنى تساعدوني ..

اختيه طلبج سهل ولله الحمد
مدرسة المهارات الحديثه الخاصه

يرعاها الدكتور عبدالله الكمالي
يزاه الله خير غني عن التعريف
وهذا رابط موقع المدرسه

http://www.dubaisms.net/index.asp

اهتمامهم الاول والاخير بالدين

اختيه لو تلاحظين في موقع مدرستهم البنت اللي تتحجب يكرمونها

اختي ام سواف طلبي شرات طلبك بالضبط وحتى اني طرحت موضوع وطلعت بنتيجتين او ثلاث

*مدرسة الابداع في الشارقة لابوخاطر وهاي ممتازة وفيها كل طلباتنا من ناحية الدين والتعليم ومنهج بريطاني …
بس المشكلة عندي البعد والزحمة ….؟!

* يمدحون ( مدرســة دبــي العربيــة الامريكيــة الخاصــة) في المزهر
وكذلك (مدرسة دار المعرفة) في مردف بس ماعرف الرقم ؟؟؟

وان شاء الله حابة ازورهم واشوف بنفسي كيف طريقة دراستهم …
وخبريني عن انطباعك اذا زرتيهم …

الابداع العلمي لبوخاطر كانت حلمي حق عيالي ..بس للأسف الزحمه بين دبي و الشارقه تبعد هذا الخيار ..

المهارات الحديثه ..انا زرتها و لاحظت هذا الشي ..بنات أختي فيها (و قبل كانوا في الابداع العلمي)
و أختي اتقول شتان بين المدرستين في الانضباط ..

اما المدرستين الثانيات ما سمعت عنهن من قبل و خاصه في ما يتعلق بالدين ..يبالي اشوفهن ..

صدقج ..بس يوم عندج يهال في البيت بيكون صعب ..
فكرت في الباص ..بس ما أعرف ..أخاف عليه ..

جرين وود حلوه بس ما حبيت يوم الاحتفالات ..يحطون موسيقى و رقص ..(طبعا مثلنا يوم كنا صغار ..رقص خفيف ^_^)

في الابداع العلمي مستحيل ..و اوقات الحج يعلمون اليهال و يلبسونهم إحرام ..مهتمين بالدين
اما جرين ووود أحس انجليزي قوي ..بس الدين مب متميز وايد فيها