مرحبا يا أمهات
أرجوكم ممكن تفيدوني هل مدرسة ويسجرين ماتقبل ل kg1 الا اذا كان الطفل مكمل 3 سنين و 6 شهور، لاني ابا ادخل ولدي وهو في نص شهر 9 بيكمل 3 سنين و3 شهور
اتمنى اللي تعرف تساعدني إذا في مجال يتجاوزون عن هالشرط
لان المسئولة في التسجيل قالت لي انه امر من الوزارة
اتريا ردودكم
حبيبتى انا ماعندى علم سيرى لهم
بس هى مدرسه ممتازة انا اولادى فيها بس شغلها وايد والدراسه كثييييييييييييير
حبوبه انا اللي اعرفه ان الوزاره امحدده ان الطفل لازم يكون عمره 3 و6 شهور شرات ماقلتي
بس انا واختي امدخلين عيالنا وهم اعمارهم 3 و3شهور وقبلوهم عادي وحتى ولد اختي كان اصغر من بنتي بشهر
وكل اللي سويناه اننا سرنا بنسجلهم وقامت المشرفه بالقسم ترمسهم واتشوف هل الياهل يستوعب او مايفهم اي شي والحمدالله وافقوا على طول
وما اعرف اذا السنه اليايه بطبقون القانون ميه بميه او انهم بقيمون الطفل بالكلام معه
اتمنى اني قدرت اوضحلج ولو بشي بسيط
وان شاءالله يقبلون ولدج
وربي يحفظج
اخواتي وين ها المدرسة وكم مصاريفها لو سمحتوا؟؟؟؟
بنات هل المدرسة زينة لكل المراحل ولا لمرحلة معينة؟
المدرسه هذي بالشارقه و لها فرعين
فرع بمنطقة المدارس قريب من مدرسه الابداع العلمية. و فرع في منطقة القراين.
و المدرسة ممتازة لكل المراحل
الغاليه انا كنت عندهم شهر ديسمبر كنت موديه ولد اخوي اسجله الحضانه دخلت حرمه تسال عن التسجيل عندهم وقالت لها المشرفه بالنسبه للكجي لازم الطفل مكمل 3سنوات و6 شهور هذا قرار من الوزاره للعلم ام الطفل قالت انه ولدها بيكمل ع السنه اليايه 3 سنوات و5 شهور قالت ما بنقبله الا اذا كان عندهم من البدايه يعني من الحضانه بيشوفون مستواه بعدها ممكن يدخلونه كجي ون … الحرمه حاولت قالت فرقت ع شهر المشرفه قالت هذا قرار الوزاره …. اتمنى اني افدتج