هلا خواتي حبيت اسألكم عن مدرسة جيمس الأمريكية شورايكم فيها حابه أسجل بنتي kg1 فيها السنه الياية – حد جربها؟ وبشو تنصحوني فالمدارس اللي يكون تاسيسها قوي داخل بوظبي؟
رحت جولة بالمدرسة
منظمين ومكانهم نظيف وافرعهم اللي في دبي ممتازين اكاديمياً
عيبهم خلط في المرحلة الاعدادية والثانوية وماحبيت منظر بنت مواطنة لابسة حجاب وقميص مزرزر على صدرها الكبير وبنطلون ضيق و قاعدة مع الاولاد بروحهم في جلسة خاصة بعيد عن عيون المدرسين،، اذا بتحطين اولاد عادي لكن بنت؟؟!! لو عندي بنت ما ارضى الصراحة سن المراهقة صعب وأشد بمليون مرة عن خلط الجامعات واماكن العمل
ممكن تحطينها لين تخلص الابتدائي اذا حابة،، يمكن بعدين يفصلونهم عن بعض او تحولينها مدرسة ثانية بس احتمال النقل والقبول يكون صعب
يفضل من البداية تختارين المدرسة اللي تدرس فيها من الروضة للثانوية
سمعت عنها بس ماعرف اذا حد مجربنها
بس البنت وضعها غير عن الولد لازم الواحد يشوف مدرسه فيها معاير الاخلاق والتربيه اهم شي
صح كل المدارس مختلطه كيجي حكومي او خاص بس لازم مدرسه اقل شي تمشي ويا عاداتنا وتقاليدنا
في مدارس على فكرة البنات قروب والاولاد قروب وهالشي افضل
اختي يوم بدورين على مدرسه مش بس تاسيسها قوي شوفيها من كل النواحي اللي تتماشى ويا مجتمعنا اهم شي
انزين شو ترشحولي مدارس من خبرتكم؟
هلا حبوبة انا كنت اشتغل معلمة فيها من سنتين وهى طبعا مدرسة ممتازة علميا وكنا بناسس الطلاب والطابات وانا من خبرتى فى مجال التدريس هناك دخلى بنتك المرحلة الابتدائية فقط زى ماقالت اختى الوردة وبعدين انقليها مدرسة تانية المهم انها تتأسس فى اللغة عشان لاتعبك فى المراحل القادمة اما من ناحية التدريس ممتاز جدا جدا ومابيختاروا اى معلمة هناك
والله المستعان
رفعععععع
شو رايج تروحين وتشوفين الحكومه الحين دراستهم وايد قويه ومطوره ونظام اشتراكي وكل شي بالانجلش اذا هذا الي ادورينه .. شوفي الي ورى العياده ف خليفه الف وشي وايد اماكن .. عندج بعد للمرحله الابتدائيه ف خليفه مدرسه خليفه حكوميه بس مطوره اكثر عن الخاص المبنى شكله من برع رووعه ونظامهم نفس الاجانب صوب الكانتين والدراسه قويه وشي مسبح ونشاطات وصنفوها من احسن المدارس ف الدوله ك نظام وامان وترتيب والخ .. الحين الحكومه مب نفس قبل مدارسها وبالخصوص صوب خليفه الف داخل او برع بوظبي ماادري الصراحه لانه في بعضهم تعبانه الطاقم الي عندهم لاكن في مدارس وايدين يمدحونه والمناهج اصلا تغيرت كله بالانجليزي ومصعبينه يخلص الطالب الثانويه ولغته اقوى عن لغتنا نحن ايام قبل بواااااايد