مدرسة الشارقة الامريكية .

خلونا نسوي تجمع حق امهات مدرسة الشارقة الامريكية نفيد ونستفيد من بعض ونعرف شو الإيجابيات والسلبيات في هالمدرسة

أنا حابة اسجل ولدي في هالمدرسة كي جي 1 لانها في فريجنا يعني فرة حصى بس حد مدحلي المدرسة وحد ذمها … قلت مالي الا خواتي في المنتدى بيساعدني

اهم شي عندي الاهتمام بالنظافة والمنهج يكون قوي في الانجليزي والعربي والدين

بانتظار آراؤكم *

وما بتعرفين اللين ما اتجربين

ومن الكي جي 1 ما بتعرفين مستوى التدريس ولكن من الكي جي 2 عاد بتبيين لج الرؤية عدل

هذا الكلام عام لاي مدرسة مب خاص للامريكية

بس اهم شي انه لازم تختارين الصف الشاطر واتدخلين الولد

يعني ما اتدخلينه اي صف لانه ما بيكون في اهتمام مثل الصف الشاطر

أنا سمعت نفس كلام ام ناصر لازم نختار الصف الشاطر والمدرسة الي شخصيتها قوية وتحبونها اليهال…. بعد قالولي ان يعطونهم حصة عربي وحصة دين كل اسبوع وهذا قليل جداً وانا يهمني ان التاسيس يكون قوي في العربي والدين والانجليزي